Amazon duhet të paguajë 1.12 miliard euro gjobë

Amazon thuhet se ka abuzuar me fuqinë e saj në treg. 

Vëzhguesit italianë të konkurrencës kanë gjobitur shitësin më të madh në botë me pakicë në internet, Amazon.

Amazon duhet të paguajë 1.12 miliardë euro për abuzim me fuqinë e saj në treg, njoftoi autoriteti italian sot.

Grupi amerikan dëmtoi ofruesit konkurrues të shërbimeve të logjistikës online për tregtinë elektronike. Amazon do të duhet të bëjë ndryshime që monitorohen. Autoriteti e klasifikoi strategjinë abuzive të Amazon si veçanërisht serioze. Gjithashtu në funksion të kohëzgjatjes së tij, efekteve që kanë ndodhur tashmë dhe madhësisë së grupit, u vendos sanksioni i lartë, thuhet tutje nga autoriteti italian.

Amazon i mohoi akuzat dhe njoftoi një apel kundër vendimit. Dënimi është i pajustifikuar dhe joproporcional, sipas një zëdhënëse të Amazon. Bëhet fjalë për shërbimin “ Fulfillment by Amazon ” (FBA), në të cilin grupi amerikan u ofron shitësve të marrin përsipër logjistikën e transportit.

Autoriteti italian antitrust kishte vendosur tashmë një gjobë prej 200 milionë eurosh për Amazon dhe Apple në fund të nëntorit. Dy korporatat amerikane akuzohen për bashkëpunim kundër konkurrencës në shitjen e produkteve të Apple dhe Beats, tha autoriteti. Gjobat ishin 68.7 milionë euro për Amazon dhe 134.5 milionë euro për Apple. /Telegrafi/