Shqetësimet në shpatull, lidhja me shëndetin e zemrës dhe zgjidhjet kundër dhimbjes
Një studim ka zbuluar një lidhje mes faktorëve të rrezikut për shfaqjen e sëmundjeve të zemrës dhe dhimbjet apo problemet me shpatullën. Studimi u publikua në revistën Journal of Occupational and Environmental Medicine.
Ekspertët shpjeguan se faktorët e rrezikut për sëmundjet e zemrës përfshijnë: kolesterolin e lartë, tensionin e lartë të gjakut dhe diabetit. Ndërkohë, te problemet me shpatullën ata përfshinë dhimbjet, tendosjet, kontraktimet muskulore e të tjerë.
Shkencëtarët ekzaminuan të dhënat e 1.226 njerëzve që kryejnë punë të rënda sidomos në prodhimin e mobileve apo sendeve të tjera të përdorimit të përditshëm, transmeton AgroWeb.
Sipas të dhënave, njerëzit e rrezikuar nga sëmundjet e zemrës janë pesë herë më të prirë të kenë probleme apo dhimbje me shpatullën. Për më tepër, sipas të dhënave edhe njerëzit që përballen me një faktor mesatarisht të rrezikshëm janë deri në tre herë të prirë të përjetojnë dhimbje të shpatullës.
Përgjatë gjithë kohëzgjatjes së studimit, ekspertët analizuan lëvizjet e pjesëmarrësve. Këtu përfshihet tërheqja, shtyrja, rrotullimi i sendeve apo pajisjeve. Matjet u bënë duke u bazuar tek intensiteti dhe vështirësia e këtyre detyrave. Ekspertët thonë se nuk është ende e qartë mënyra si funksionon lidhja mes zemrës dhe shpatullës. Megjithatë, ata dyshojnë se kjo lidhje ndikohet fort nga qarkullimi i gjakut dhe pengesat që has ai.
Zgjidhjet kundër dhimbjes së shpatullës
Njerëzit që preken më shumë nga dhimbjet e shpatullës janë ata që kryejnë aktivitete të rënda. Ekspertët rekomandojnë që dhimbjet e shpatullës mund të zbuten ose shuhen nëpërmjet medikamenteve kundër inflamacionit. Këtu përfshihet aspirina dhe ibuprofeni. Kompresat e ftohta janë një tjetër mënyrë për të ulur ënjtjen në shpatull dhe mpirë dhimbjen.
Kompresat e ftohta duhen mbajtur për 20 minuta dhe deri në 5 herë në ditë. Terapia e nxehtë nga ana tjetër ndihmon të qetësojë muskujt dhe shpatullën. Në farmaci ose me këshillën e mjekut ju mund të përdorni edhe medikamente për qetësimin e muskujve. Megjithatë këto shkaktojnë drobitje dhe duhen shoqëruar me pushim të plotë.
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur