Turqia po merr pjesë me nëntë kompani në Panairin Ndërkombëtar të Biznesit në Tiranë. Në katin e parë të Pallatit të Kongreseve, për tri ditë, biznese të ndryshme turke në stendat përkatëse kanë prezantuar produktet e tyre.
Nënkryetari i Dhomës së Tregtisë së Stambollit, Israfil Kuralay thekson për KosovaPress se ky është viti i tretë që po marrin pjesë në panairin e organizuar nga Klik Ekspo Group.
“Ne si Dhomë e Tregtisë së Stambollit kemi marrë pjesë edhe më parë në pesë panaire. Këto tre vitet e fundit kemi marrë pjesë në Panairin Ndërkombëtar të Tiranës. Sigurisht ne ndjejmë një kënaqësi të veçantë për pjesëmarrjen tonë në këtë panair. Një pjesëmarrje të cilën e kemi ndjekur me shumë kënaqësi”, thekson Kuralay.
Nënkryetari i Dhomave të Tregtisë në Stamboll flet edhe për rëndësinë e bashkëpunimit mes Kosovës dhe Turqisë.
“Në fund të muajit dhjetor ne do të mirëpresim në Stamboll si Dhomë e Tregtisë, zëvendëskryeministrin e parë të Kosovës dhe një ministër të Qeverisë së Kosovës. Si dy vende vëllezër ne kemi ende shumë gjëra për të bërë. Jemi të detyruar për të zhvilluar më tej marrëdhëniet tregtare. Si dy popuj miq, që kanë tradita të përbashkëta, zakone të përbashkëta, duhet të përpiqemi sa më shumë që të forcojmë akoma më tej miqësinë tonë”, shprehet ai.
Përmes Panairit Ndërkombëtar të Tiranës ai thekson se janë të interesuar për të shtrirë tregun në masë të madhe në Kosovë.
“Sigurisht që edhe firmat turke kanë një aktivitet të madh në shumë vende të ndryshme të botës. Sivjet ne patëm një eksport prej 220 miliardë dollar. Ne dëshirojmë që edhe në Kosovë të zhvillojmë sa në tepër këtë bashkëpunim. Bashkëpunim, i cili është në të mirën e popullit të Kosovës dhe të Popullit të Turqisë”, shton ai për KosovaPress.
Kuralay thotë se në Turqi jetojnë një numër i madh i kosovarëve, e po ashtu edhe në Kosovë banorë nga komuniteti turk. Për këtë, sipas tij duhet të krijohen ura bashkëpunimi mes të dyja vendeve.
Në Panairin Ndërkombëtar të Biznesit për herë të parë marrin pjesë gjashtë vendet e Ballkanit Perëndimor, por edhe vende të tjera. Ky është edicioni i 27-të i panairit, i cili ka nisur të mërkurën dhe përfundon nesër. /kp/
Lufta Prigozhin - Putin
Më shumëNga Rubrika
1 Maji, Kurti thërret për solidaritet dhe organizim sindikal
Dita e punëtorëve, Tahiri: Sot nuk ka vend për festë – Qeveria mund të festoj dështimet
UBT ndan çmimin më të lartë institucional për Rektorin e Trakya Üniversitesi, Prof. Dr. Erhan Tabakoğlu dhe bën hapjen e Teknoparkut Ndërkombëtar
N’BAU krejt i gjen me zbritje këtë javë!
Fito udhëtim në çift me IP Petrol!
Relaksim në përjetësi, me “Holiday In 2” t’gjitha i ki
Respekti dhe vlerësimi i punëtorëve refletojnë në suksesin e Emona Center
"Më mirë se vendi ynë nuk ka", rrëfimi i Fitim Maliqit që posedon mbi 10 mijë zogj të pulave
Rotary Club Prishtina Garden, klubi më i ri i Rotary në Kosovë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit