Nataliteti në Kinë bie në nivelin më të ulët në katër dekada

Shkalla e lindjeve në Kinë ka rënë në nivelin më të ulët në më shumë se katër dekada.

Zyra e statistikave tha se rënia prej 18 për qind e lindjeve në vitin 2020 në 12 milionë ishte pjesërisht për shkak të pandemisë së coronavirusit, përcjell Telegrafi.

Por ekspertët kanë vënë në dukje prej kohësh se shkaktar janë kostot e larta të strehimit, arsimit dhe shëndetit në Kinë, si dhe pakësimi i gatishmërisë për t’u martuar.

Sipas dpa, shkalla e lindjeve në vendin më të populluar të botës ra përsëri në shifra njëshifrore për herë të parë me 8.52 të porsalindur për 1000 njerëz – më e ulëta që nga viti 1978.

Për shkak të rënies së lindjeve dhe numrit të qëndrueshëm të vdekjeve, kombi miliardësh po shkon drejt rritjes zero të popullsisë, sipas ekspertëve, e cila pritet të tkurret më shumë në vitet e ardhshme.

Plakja e shoqërisë po përparon gjithashtu papritur shpejt. Gjithnjë e më pak njerëz që punojnë në ekonominë e dytë më të madhe në botë duhet të kujdesen për një numër në rritje të të moshuarve. /Telegrafi/