Patson Daka i Leicester City konsiderohet thesar kombëtar në Zambia: Ai merr lëvdata nga presidenti i vendit, paguan bonuse për ish-shokët e skuadrës dhe ndërtoi shtëpi për nënën e tij

Muajin e kaluar, vendi i Zambisë ishte në gëzim, pasi Patson Daka i Leicester City u bë lojtari i parë nga ky vend që shënoi një gol në Ligën Premier dhe atë ndaj Manchester United.

Vetëm pesë ditë më vonë, 23-vjeçari iu kthye sërish golave, ​​kur shënoi katër herë për Leicesterin në triumfin e tyre në Ligën e Evropës ndaj Spartak Moskës.

Për Dakën, dritat e shndritshme të garave kryesore të Evropës janë shumë larg nga mjedisi modest i klubit të tij të parë, Kafue Celtic nga Zambia.

Daily Mail u takua me Lee Kawanu – që është drejtor i klubi Kafue Celtic – për të mësuar më shumë rreth njeriut që tani konsiderohet një thesar kombëtar në Zambia.

“I gjithë vendi ishte i bashkuar në emocione. Ju mund ta shihni atë kudo”.

“Të gjithë po flisnin për këtë, përfshirë presidentin,” ka thënë ai, duke iu referuar një postimi në Twitter që Daka mori nga lideri i vendit, Hakainde Hichilema.

Patson Daka, job well done. Very proud of you as a country. Continue making Zambia proud. pic.twitter.com/y73Fv7TKc7

— Hakainde Hichilema (@HHichilema) October 17, 2021

Megjithatë, me gjithë suksesin, Daka nuk i ka harruar kurrë rrënjët e tij.

Ndoshta nuk është shumë për t’u habitur, por kur ishte lojtar që luante në Superligën e Zambisë, ai paguhej 30 euro në javë dhe ia jepte direkt nënës së tij, pasi Daka ka një ndjenjë të fortë si për familjen ashtu edhe për komunitetin.

Sa herë që kthehet në Zambia, Daka sigurohet të ndalet në ish-klubin e tij – madje duke paguar edhe bonuse në rast fitoreje, siç ka bërë herën e fundit.

“Për fat fituam!”, ka thënë Kawanu për bonuset. “Askush nga ne nuk e priste. Ai bën gjëra të tilla. Ai ka ndihmuar me veshjet e stërvitjes dhe këpucët e futbollit”.

Familja, megjithatë, ka qenë gjithmonë e para për Dakën, me Kawanu që zbulon se Daka është kujdesur për nënën dhe motrën e tij më të madhe – pas vdekjes së babait të tij kur ai ishte vetëm 12 vjeç.

“Ai është kujdesur për nënën dhe motrën e tij më të madhe”.

“Ai e filloi me një rrogë të vogël. Ndërsa ishte ende këtu, ai arriti të ndërtojë një shtëpi për nënën e tij. Ai investonte çdo qindarkë që merrte për familjen. Ai është një djalë i mirë”, deklaron drejtori.

Fitimet e Dakës u rritën natyrshëm sapo ai u largua nga Zambia, duke u lidhur fillimisht me FC Liefering – klubi vëllazëror i RB Salzburg në ligën e parë austriake.

Brenda një viti, vetëm 20 vjeç, Daka kishte bërë një transferim prej 260,000 euro në Salzburg.

Marrëveshja u ndërmjetësua nga ish-lojtari i Malit, Frederic Kanoute, i cili ka luajtur te West Ham dhe Tottenham në karrierën e tij.

Kanoute siguroi që Kafue Celtic do të merrte një pjesë të konsiderueshme të çdo transferimi të ardhshëm si pjesë e marrëveshjes, diçka për të cilën klubi ishte shumë mirënjohës kur Leicester nënshkroi me Dakën për 27 milionë euro në qershor të këtij viti.

“Ne ishim një ekip i vogël i drejtuar nga xhepi im personal,” ka treguar Kawanu për ndikimin e të ardhurave të papritura që mori klubi kur Daka bëri lëvizjen e tij në East Midlands.

“Tani jemi në Superligë, duke garuar me ‘djemtë e mëdhenj’ dhe mund të plotësojmë buxhetin tonë”, deklaroi ai.

Zambia nuk ka asnjë gjasë reale për t’u kualifikuar në Kupën e Botës vitin e ardhshëm në Katar, por Daka ende trajtohet si një hero sa herë që kthehet në shtëpi.

https://www.youtube.com/watch?v=Y5SPrFlzC_I&ab_channel=SocoTV

Lojtari i Leicesterit u dha tifozëve arsye për të brohoritur kur hapi rezultatin në fitoren 4-0 të Zambisë në shtëpi ndaj Mauritanës të shtunën.

Ata shpresojnë që Daka të jetë në gjendje të vazhdojë të gjejë rrjetën rregullisht për Zambinë dhe Leicesterin në vitet në vijim. /Telegrafi/