Ecuria e fiskalizimit është e ngadaltë për të gjithë fashën në biznesin e vogël. Në 13 drejtoritë rajonale të tatimeve në Shqipëri janë gjithsej 29,243 biznese të vogla të fiskalizuara ose një e treta e tyre. Detyrimin për t’u fiskalizuar nga 1 shtatori 2021 e kanë 90 mijë subjekte të vogla.
Sipas të dhënave të Drejtorisë të Përgjithshme të Tatimeve (DPT), 51 për qind e biznesit të vogël të fiskalizuar është në Tiranë (i cili ka rreth 40 për qind të subjekteve totale në vend), 32 për qind në Durrës, në Fier dhe Korçë me përkatësisht nga 20 për qind, pjesa tjetër Shkodër, Elbasan dhe Berat.
Në Tiranë, nga 1 shtatori deri tani janë fiskalizuar 14,236 biznese të vogla.
Biznese të mëdha janë të fiskalizuar 8,001 të tilla. Në Durrës po lëshojnë fatura të fiskalizuara 3,644 biznese të vogla dhe 2,252 biznese të mëdha. Në Fier janë 2,004 biznese të vogla dhe 1,310 biznese të mëdha. Në Kukës janë fiskalizuar 277 subjekte të vogla dhe 168 biznese të mëdha. Në Sarandë janë fiskalizuar 821 biznese, në Dibër me 659 biznese, në Gjirokastër janë 826 biznese.
Në total numri i bizneseve të fiskalizuara është 46,952 të tilla apo 40 për qind e totalit të biznesit që kanë detyrimin të fiskalizohen.
Ecuria e fiskalizmit shfaqet e ngadaltë edhe te biznesi i madh. Subjekte të mëdha të fiskalizuara janë 17,708 apo 60 për qind e totalit të tyre. Në total kanë detyrimin të fiskalizohen 30 mijë subjekte të mëdha.
Fiskalizimi nisi më 1 janar 2021, i fillimisht me bizneset e mëdha e korporatat për transaksionet pa para në dorë me entet publike.
Më 1 korrik nisi për transaksionet pa para në dorë mes bizneseve. Faza e tretë nisi zbatimin nga 1 shtatori për bizneset që kryejnë transaksione me parë në dorë.
Kontabilistët pohuan më herët se arsyeja pse është i ulët numri i bizneseve të vogla të fiskalizuara është për shkak të keqkuptimit të aktit normativ të mosvendosjes të gjobave deri më 31 dhjetor 2021. Sipas tyre më shumë biznese të vogla të pafiskalizuara rezultojnë marketet apo dyqanet ushqimore të lagjeve.
Ligji për fiskalizimin iu jep të drejtë tatimpaguesve të vegjël të përdorin, kasën fiskale që duhet të përshtatet për faturimin e ri ose zgjidhjet softuarike.
Nga biznesi i vogël sipas të dhënave të tatimeve deri në fund të tetorit ishin 10,000 kërkesa të bizneseve për azhurnim të kasës fiskale apo 7 për qind e atyre bizneseve që përdorin kasat fiskale. Nga totali i kasave aktive vetëm 6 për qind e tyre dalin nga qarkullimi, pasi janë versione që nuk përshtaten për faturimin e ri. /Monitor/
Promo
Reklamo këtuLufta Prigozhin - Putin
Më shumëViva Fresh Store ul çmimin e bukës në 20 cent - një hap drejt lehtësimit të shpenzimeve për familjet kosovare
A jeni gati për mbrëmjen e Maturës?
Viva Fresh Store renditet si grupi i pestë më i madh i shitjeve me pakicë në Ballkanin Perëndimor!
Kurrë s’e ke pas ma lehtë se me Telegrafi Jobs me gjetë punë!
Qysh bohet kerri i vogël, kerr i ri!
Shefja e USAID: Vlerësimi i Kosovës nga FITCH tërheqë investime të huaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'