Florenzi nuk u përmbajt, ai hyri në fushë nga banka rezervë gjatë festimit provokues të Calhanoglut

Derby della Madonnina nuk mund të prodhonte tension ndërmjet dy klubeve rivale. Milani dhe Interi u ndanë baras (1-1), por nuk munguan situatat interesante brenda dhe jashtë fushës.

Fokusi kryesor ishte Hakan Calhanoglu, i cili në verën që lamë pas u largua nga Rossonerët për të nënshkruar me Nerazzurrët si futbollist i lirë.

Ndërsa që në derbin e parë ndërmjet dy rivalëve, mesfushori turk nxori një penallti dhe vendosi ta ekzekutonte vet duke e konvertuar në gol.

Calhanoglu: Im gonna Knee Slide tf out this goal
Dzeko: No pic.twitter.com/JvfXtfye0Q

— 🐊 (@AlCxpone) November 8, 2021

Më pas, ai zgjodhi ta festonte golin, edhe pse kujtimet nga Milani i ka të freskëta, për më shumë, fillimisht u nis kah flamuri në kënd, por më pas u ndal përballë Curva Sud për t’i ngacmuar me gjestin e vendosjes së duarve prapa veshëve.

Lexo po ashtu Festa e Calhanoglut para tifozëve të Milanit nxit debat

Njëherësh, Calhanoglu ka thënë edhe disa fjalë kundrejt bankës së Rossonerëve, ku ndodhej edhe Alessandro Florenzi, i cili ka përjetuar derbi të shumta të nxehta sa luante te Roma.

Alessandro Florenzi looked annoyed when Hakan Calhanoglu celebrated in front of AC Milan fans. pic.twitter.com/k5e9ANasGC

— FOOTBALLFANSSTUFF (@officialffsnews) November 8, 2021

Derisa mesfushori i Interit vazhdonte festën provokuese, mbrojtësi i huazuar te Milani hyri në fushë dhe filloi t’ia kthente futbollistit turk.

Gjyqtari i katërt e kuptoi situatën dhe ndërhyri për ta kthyer italianin në zonën teknike, derisa ndërhynë edhe disa pjesëtarë të stafit të Rossonerëve. /Telegrafi/