Aktori i filmit “Rust” thotë se e ndjente që shesh-xhirimi ishte kërcënues për jetën përpara se të ndodhte incidenti fatal

Një aktor që ka luajtur në filmin “Rust” ka folur për përvojën e tij në xhirimet që përfunduan fatale për drejtoreshën e fotografisë, Halyna Hutchins.

Në një intervistë me TMZ të hënën, Ian A. Hudson, i cili luan një person që thyen ligjin në film, e përshkroi xhirimin e një skene ku personazhi i tij u qëllua si “kërcënues për jetën” për shkak të përdorimit të pistoletave dhe pushkëve të vërteta në xhirime.

Hudson tha se “i gjithë ekipi i kamerës mbroheshin nga mburoja” gjatë xhirimeve të skenave, shkruan People.

“Kjo më bëri të dyshoja se isha para kamerës dhe mes gjithë atij zjarri. Kur u lëshuan fishekët, kur ata qëlluan mbi mua në fakt ndjeva se mbetjet më goditnin fytyrën dhe trupin tim, dhe mund të ndjeja erën që lëshohej nga pushka”, tha ai.

“Ishte e rëndë. Ishte e fortë… Ishte kërcënuese për jetën. Ndihej shumë surreale”, vazhdoi tutje aktori.

Hudson tha se ai nuk ishte vetëm kur erdhi puna për të ndjerë frikë në xhirime.

“Unë flisja me kolegët e mi të kastit dhe të gjithë ramë dakord se sa intensive ishte dhe sa e frikshme dhe reale ishte ajo”, tha Hudson për TMZ për momentet e fundit të personazhit të tij.

Hudson ndau disa ditë para incidentit në xhirime, ai dhe aktorët e tij diskutuan gjithashtu vdekjen e Brandon Lee – djalit të Bruce Lee, i cili u qëllua dhe u vra aksidentalisht në xhirimet e “The Crow” në 1993.

“Ajo bisedë u bë disa herë. Ne thamë se po e bëjmë këtë në të njëjtën mënyrë si ata e bënë atë atëherë, 30 vjet më parë”, tha Hudson për TMZ.

Kujtojmë që autoritetet në New Mexico po hetojnë aktualisht vdekjen e drejtoreshës së fotografisë, Halyna Hutchins, e cila vdiq pasi u transportua me avion në Spitalin e Universitetit të New Mexicos të enjten.

Baldwin, 63 vjeç, qëlloi një armë skenike ndërsa po bënte prova për një skenë në xhirimet e filmit “Rust”, duke lënë të vdekur Hutchins, 42 vjeç. Regjisori Joel Souza, 48 vjeç, gjithashtu u plagos në incident, por u lirua nga spitali një ditë më pas.

Aktualisht filmi “Rust” ka ndaluar xhirimet për njër periudhë të vaktuar pas vdekjes së Hutchers, sipas kompanisë së filmit, ‘Rust Movie Productions’. /Telegrafi/