Shkoda do të kufizojë prodhimin për shkak të problemeve në Çeki

Prodhuesi çek i makinave do të kufizojë ose ndalojë plotësisht prodhimin e makinave në të tri fabrikat në Republikën Çeke nga 18 tetori deri në fund të vitit, për shkak të mungesës globale të çipave.

Pezullimi i prodhimit mund të godasë rëndë ekonominë çeke, pasi Shkoda Auto, e cila është pjesë e Grupit Volkswagen, kontribuon pesë për qind në PBB-në çeke, por gjithashtu përbën nëntë për qind të eksporteve çeke, raporton Euraktiv.

Prodhimi u pezullua më parë në shtator për një javë për të njëjtën arsye.

Mungesa e çipave ka prekur të gjithë sektorin e automobilave në botë, dhe kompanitë evropiane të makinave varen nga prodhimi aziatik, i cili është në rënie për shkak të pandemisë së coronavirusit.

Çipat janë përbërës strategjikë të botës digjitale, dhe ndërsa prodhimi i tyre në vendet aziatike është i kufizuar, kërkesat po rriten në të gjithë botën.

Komisioni Evropian njoftoi më herët se do të prezantonte një “rregullore evropiane për çipat”, e cila duhet të rrisë kapacitetin e produkteve në Evropë dhe të rrisë bashkëpunimin ndërkombëtar. /Telegrafi/