Komisioni për Punë të Jashtme dhe Diasporë ka zhvilluar sot takim me udhëheqësin e Zyrës së BE-së në Kosovë, Tomash Szunyog. Pa praninë e mediave, për rreth një orë është diskutuar për konkluzionet e nxjerra nga samiti në Brdo të Sllovenisë, liberalizimin e vizave për Kosovën dhe dialogun me Serbinë.
Pas përfundimit të takimit, ambasadori i BE-së nuk u prononcua për medie, ndërsa kryetari i komisionit, Haki Abazi, tha se Kosova nuk ka zgjidhje tjetër përveç rrugëtimit evropian dhe se ajo duhet të trajtohet e barabartë në procesin e dialogut.
“Çështjet kryesore të diskutimit ishin konkluzionet, përfundimet e nxjerra nga takimi i Brdo, liberalizimi i vizave një prej çështjeve që po përcjell Kosovën, aspektin e dialogut Kosovë-Serbi dhe përkushtimin e zotimit të institucioneve të Kosovës për t’i përmbushur obligimet tona në rrugëtimin evropian. Takimi ishte konstruktiv, biseduam gjerë e gjatë për pikëpamjet e BE-së dhe pritjet e qytetarëve. E mira është dhe e bukura e kësaj është se u pajtuam se nuk ka rrugë tjetër për Kosovën përvese përfundimi në rrugëtimin evropian”, tha ai, transmeton KP.
Abazi tha se nuk mund të flitet për bashkëpunim rajonal derisa Serbia po e saboton të drejtën e Kosovës për të qenë e barabartë.
“Ne prekëm çështjet e ngadalësimit dhe një dinamike më të zvogëluar të arritjeve të Kosovës sa i përket integrimit evropian, pikërisht pse dialogu i zhvilluar në formatin e mëhershëm ka qenë pengesë dhe ka mundësuar Serbisë të sabotojë proceset e brendshme në Kosovë. Dialogu duhet të formatohet në formën e trajtimit të barabartë të Kosovës dhe Serbisë… Në këtë gjendje çfarë jemi nuk mund të flasim për bashkëpunim rajonal kur kemi pengesa. Ju po flisni për bllokadën e dy shteteve për bllokim të bashkëpunimit rajonal, por është vetëm një, është vetëm Serbia që po saboton të drejtën e Kosovës për të qenë e barabartë. Kjo është arsyeja pse insistimi ynë për vazhdimin e Procesit të Berlinit është këmbëngulës, pasi vetëm aty mund të realizojmë të drejtat e barabarta si shtet në proceset rajonale”, tha Abazi.
Krahas kësaj, ai tha se liberalizimi i vizave nuk ka qenë në konkluzionet e samitit në Brdo të Sllovenisë, pasi është një proces i ndarë nga integrimi evropian. Sipas tij, i mbetet institucioneve të Kosovës të punojnë për t’i bindur vendet skeptike për kriteret e plotësuar.
“Çështja e liberalizimit të vizave është e ndarë plotësisht nga procesi i integrimit evropian. Kjo si rrjedhojë është se takimi i Brdo nuk ka pasur në fokus lëvizjen e lirë të qytetarëve të Kosovës. Kjo është punë që na mbetet neve si institucione”, tha Abazi.
Gjithashtu, kryetari i Komisionit tha se Kosova duhet të angazhohet sa më shumë në përfitimin e fondeve të IPA III, pasi tash është në konkurrencë me shtetet tjera rajonale.
Promo
Reklamo këtuLufta Prigozhin - Putin
Më shumëNisin lëvizjet e para për njohjen e gjuhës shqipe, Google po shton Kosovën në programin e verifikimit të reklamuesve
Raketat “Javelin” pritet të arrijnë në Kosovë shumë shpejt
Digjen dy vetura me targa serbe në veri
Ish-udhëheqësi i inovacionit në Mercedes Benz, Philip Gneiting: Kosova ka rini me ide të mira për startup-e
Dënime drakonike për duhanxhinjtë: 20 mijë euro gjoba për bizneset, 200 euro për personat që pinë duhan në ambiente të mbyllura
Bajrami: Vazhdon korropsion, vetëm të premtën janë publikuar katër kontrata njëburimore në shumë 683 mijë euro
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Pse çdo prind duhet të zgjedhë këpucët apo atletet Reebok në Melodia Px për fëmijët e tyre?!
Eksploro natyrën dhe ngjit majat me çizmet e duhura
Formësoje trupin me peshën Martes
Rehatohu n’plazh mirë dhe lirë
Për çfarë vibes je – Summer Vibes apo Good Vibes?
Më të lexuarat
Mozzik dhe Lotina Haziri në një lidhje dashurie?
Si e ndryshoi historinë amerikane ylli i filmave për të rritur?
Aksion i policisë në Leposaviq, konfiskohen dhjetëra uniforma të policisë serbe
Dënime drakonike për duhanxhinjtë: 20 mijë euro gjoba për bizneset, 200 euro për personat që pinë duhan në ambiente të mbyllura
Donald Trump filloi të thotë gënjeshtra - shumë televizione amerikane ndërprenë transmetimin e konferencës
Sir Alex Ferguson nuk i foli asnjëherë lojtarit që ishte blerja e tij e fundit tek Man United