Banorët e Pollogut kërkojnë ndihmë nga autoritetet, druajnë nga përmbytjet gjatë vjeshtës
Me uljen e temperaturave janë rikthyer edhe reshjet e shiut në Pollog, e bashkë me këtë edhe ankthi nga vërshimeve në ato vendbanime, të cilat e pësuan keq, në vitin 2015, madje duke humbur edhe anëtarë të familjeve të tyre. Premtimet, për ndërtimin e digave, dhe masave tjera për mbrojtje nga vërshimet, mbetën vetëm premtime. Banorët thonë se nuk ju ka mbetur gjë tjetër pos vetë të mobilizohen për të parandaluar katastrofat e mundshme.
“Jo vetëm fshati im po krejt kanë frikë prej kësaj, Trebosh, Pollaticë e tjera. Mirëpo çka të bëjmë ndihmë s`kemi nga askush hiç. Aq na trishton kur bie shi krejt me fëmijë e të gjithë çohemi”.
“Mos pyet xhaja, për tu trishtua jemi trishtua i madh e i vogël, plak e i ri, krejt trishtojmë kur prishet moti në bjeshkë lartë. Ne rrimë si të ngrirë”.
“Para katër vitesh bënë marketing plot, se do bëjnë tenda do bëjnë këtë do bëjnë atë e asgjë. Diku kanë pastruar po aq kanë mundur. Po ka premtime boshe veç, shumë flitet e asgjë s`bëhet. Unë ku e kam shtëpinë krejt mëhalla lartë atje krejt në rrezik jemi. Përherë jemi me stres me frikë me ankth”.
Për vërshime të mundshme, ditë më parë alarmoi edhe vetë drejtuesi i Qendrës për menaxhim me kriza Stojançe Angelov. Ai madje porositi komunat që të marrin masa me kohë, që të mos bëhet vonë, siç ndodhi me zjarret.
Por sa komunat kanë marrë masa? Shumica e lumenjve të Pollogut, në vende të ndryshme të rrjedhës rezultojnë të pa pastra, madje duke u mbushur edhe me mobile dhe gjësende të tjera.
Nga komunat e Pollogut thonë se për ta ky është mision i pamundur, sepse nuk kanë as makineri e as kapacitete financiare për pastrimin e lumenjve. Kërkojnë ndihmë nga Qeveria.
“Ne si komunë nuk jemi në gjendje ta menaxhojmë këtë pa ndihmën e qeverisë sepse lumenjtë tonë janë të thellë të ashpër. Ne kemi një ekskavator i cili është 3.5 ton dhe nuk është për të hy brenda për të punuar, sa iu përket anësoreve po ama për gjëra më të mëdha nuk kemi mundësi. Fjalë të bukura mund të flasim sa të duash por realiteti është ky”, tha Mefail Miftari. Drejtor i Ndërmarrjes Publike të Tearcës.
Në vitin 2015 në Tetovë nga vërshimet pësuan dhjetëra shtëpi, ndërsa humbën jetët edhe njerëz, në mesin e të cilëve edhe një vajzë e mitur nga Shipkovica, ndërkaq qindra hektarë tokë e mbjellë u shkatërruan. Qeveria, asokohe premtoi pastrimin e lumenjve apo rinovimin e digave në disa vende, duke përpiluar kështu edhe një projekt të përbashkët me UNDP, por që atëherë, ende nuk ka lëvizur asgjë, as për digat, e as në pastrimin e lumenjve në Pollog./alsat/
Promo
Reklamo këtuLufta Prigozhin - Putin
Më shumëFruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Çfarë pyetje u bëhen qytetarëve në diasporë për regjistrim?
Kurti merr kundërpërgjigje për kritikat ndaj Prokurorisë Speciale
Anëtarësimi i Kosovës në KiE, cilat janë vendet skeptike që duan fillimisht asociacionin?
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
Konkursi i dyshimtë i Policisë, IPK: Do t’i verifikojmë informatat
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City