Edhe një kompani kineze tenton të futet në “lojën e shpejtësisë” së veturave elektrike

Ajo thuhet se do të përshpejtojë në 100 km/orë në 1.8 sekonda, me një shpejtësi maksimale prej 420 km/orë.

Lajmet mbërritën nga Kina në lidhje me një hiperveturë plotësisht elektrike të prodhuesit të sapo krijuar – kompania kineze Farnova Automotive.

Othello u prezantua në fazën prototip me një fuqi të jashtëzakonshme 1,835 kf (1,350 kW).

Kompania planifikon të prodhojë 200 kopje nga viti 2022, të cilat do të shiten me një çmim prej 1.86 milion juan (rreth 250,000 euro).

Othello përdor një bazë mekanike të marrë nga sporti Qiant K50, i cili është rezultat i një marrëveshjeje midis Farn Automotive dhe Qiant Motors.

Përveç bazës së përbashkët, të dy veturat janë krejtësisht të ndryshme për nga stili dhe performanca.

Prototipi kinez ka dy motorë elektrikë që kombinohen për të prodhuar 1,835 kf (1,350 kW) dhe deri në 12,000 Nm çifte rrotulluese.

Arrin 100 km/orë në 1.8 sekonda, në rrugën drejt një shpejtësie maksimale prej 420 km/orë. Duhen 8.5 sekonda për të arritur 300 km/orë.

Bateria 75 kWh ofron një autonomi prej 600 kilometrash.

Vetura me një pamje jashtëzakonisht moderne të jashtme, me derën e hapur lart, është 467 cm e gjatë, 208 cm e gjerë dhe vetëm 115 cm e lartë.

Automjeti bosh peshon 1.350 kilogramë.

Kompania njofton fillimin e prodhimit për 2022 në një fabrikë të re në qytetin Changdeu. /Telegrafi/