Pasi shkëlqeu në sfilatën e “Versace”, Dua Lipa argëtohet me miqtë në Javën e Modës në Milano

Dua Lipa po e shijon pafund qëndrimin në Javën e Modës në Milano, pasi në natën e parë të sfilatës së “Versace”-s ajo ishte ylli i mbrëmjes.

26-vjeçarja bëri hapjen dhe mbylljen e sfilatës të markës së njohur të Donatella Versace, ndërsa njëkohësisht është edhe imazhi kryesore i markës.

Këngëtarja e njohur shqiptare me famë botërore ishte e pranishme edhe në natën e dytë të eventit të modës nga “Fendi x Versace”, teksa ka ndarë imazhe nga festa e organizuar pas pasarelës.

E veshur me një fustan elegant dhe të tejdukshëm “Fendi””, ylli i hitit “Physical” shkëlqente në mesin e miqve të saj.

“Duke e ndjerë Javën e Modës”, ka shkruar Dua në mbishkrimin e imazheve, ku shihet se po argëtohej pas angazhimeve.

Ndryshe, Dua së fundi ka bërë të ditur data e turneut të ri botëror në Amerikë, Australi dhe Zelandën e Re, që nisë në fillim të vitit 2022.

Po ashtu, kohëve të fundit artistja nga Kosova ka filluar xhirimet e filmit të saj të parë në karrierë. /Telegrafi/

View this post on Instagram

A post shared by DUA LIPA (@dualipa)