Si u bënë ‘të njohura’ sulmet kamikaze gjatë Luftës së Dytë Botërore – metoda të ngjashme u përdorën në sulmet e 11 shtatorit

Sulmet kamikaze ishin një taktikë japoneze e bombardimeve vetëvrasëse e krijuar për të shkatërruar anijet luftarake të armikut gjatë Luftës së Dytë Botërore. Pilotët do të rrëzonin avionët e tyre të bërë posaçërisht drejtpërdrejt drejt anijeve aleate.

Sipas medieve të huaja, përcjell Telegrafi, më 25 tetor të vitit 1944, Perandoria e Japonisë punësoi bomba kamikaze për herë të parë. Taktika ishte pjesë e Betejës së egër të Gjirit Leyte, beteja më e madhe detare në histori, e cila u zhvillua në Oqeanin Paqësor pranë Filipineve. Goditjet Kamikaze kundër anijeve luftarake aleate vazhduan gjatë Luftës së Dytë Botërore.

Pilotët ‘kamikazë’ qëllimisht rrëzuan avionët e tyre drejtpërdrejt në anijet luftarake të armikut, gjë që rezultoi në vetëvrasje.

Në këto sulme kamikaze, më shumë se 3,000 pilotë japonezë u vranë dhe kishte më shumë se 7,000 viktima midis personelit amerikan, australian dhe britanik.

Japonia humbi Betejën e Gjirit Leyte, dhe më vonë luftën. Vendi ishte detyruar të pranojë një dorëzim të pakushtëzuar më pak se një vit më vonë.

Në anën tjetër këto sulme vetëvrasëse janë manifestuar edhe në sulmet e 11 shtatorit në SHBA, nga grupi ekstremist al-Kaeda.

Më 11 shtator 2001, sulmuesit vetëvrasës kapën avionët amerikanë të pasagjerëve dhe i përplasën në dy rrokaqiejt e New York-ut, duke vrarë mijëra njerëz.

Sulmi mbetet një nga ngjarjet më traumatike të shekullit, jo vetëm për amerikanët, por edhe për botën.

Katër avionë që fluturonin mbi SHBA-në lindore u kapën njëkohësisht nga ekipe të vogla rrëmbyesish.

Ato u përdorën më pas si raketa gjigante, të drejtuara për të rrëzuar ndërtesat historike në New York dhe Washington.

Dy avionë goditën Kullat Binjake të Qendrës Tregtare Botërore në New York; i pari goditi Kullën e Veriut, derisa i dyti u rrëzua në Kullën e Jugut.

Avioni i tretë shkatërroi ‘faqen’ perëndimore të Pentagonit – selia gjigante e ushtrisë amerikane pak jashtë kryeqytetit të vendit, Washington DC.

Avioni i katërt u rrëzua në një fushë në Pensilvani pasi udhëtarët u kundërpërgjigjën. Mendohet se rrëmbyesit kishin për qëllim të sulmonin ndërtesën e Kapitolit në Washington DC.

Sa njerëz kanë vdekur?

Në total, 2,977 njerëz (pa llogaritur 19 rrëmbyesit) humbën jetën, shumica e tyre në New York.

Bëhet e ditur se 246 pasagjerët dhe ekuipazhi në bordin e katër avionëve ishin në mesin e të vdekurve.

Kush ishin sulmuesit?

Një rrjet ekstremist islamik i quajtur al-Kaeda planifikoi sulmet nga Afganistani.

I udhëhequr nga Osama Bin Laden, al-Kaeda fajësoi SHBA-në dhe aleatët e saj për konfliktet në botën myslimane.

Nëntëmbëdhjetë persona kryen rrëmbimet, duke punuar në tre ekipe me nga pesë dhe një nga katër (në aeroplanin që u rrëzua në Pensilvani).

Secili grup përfshinte dikë që kishte marrë trajnim për pilot. Kjo u krye në shkollat fluturuese në vetë SHBA-në.

Pesëmbëdhjetë rrëmbyesit ishin sauditë si vetë Bin Laden. Dy ishin nga Emiratet e Bashkuara Arabe, një ishte nga Egjipti dhe një nga Libani. /Telegrafi/