LAJMI I FUNDIT:

Një nga ngjarjet më traumatike të shekullit – si ndodhën sulmet e 11 shtatorit 2001?

Një nga ngjarjet më traumatike të shekullit – si ndodhën sulmet e 11 shtatorit 2001?

Të martën, 11 shtator 2001, sulmuesit vetëvrasës kapën avionët amerikanë të pasagjerëve dhe i përplasën në dy rrokaqiejt e New York-ut, duke vrarë mijëra njerëz.

Sulmi mbetet një nga ngjarjet më traumatike të shekullit, jo vetëm për amerikanët, por edhe për botën.

Cilat ishin objektivat?

Katër avionë që fluturonin mbi SHBA-në lindore u kapën njëkohësisht nga ekipe të vogla rrëmbyesish.

Ato u përdorën më pas si raketa gjigante, të drejtuara për të rrëzuar ndërtesat historike në New York dhe Washington.

Dy avionë goditën Kullat Binjake të Qendrës Tregtare Botërore në New York; i pari goditi Kullën e Veriut, derisa i dyti u rrëzua në Kullën e Jugut.

Ndërtesat morën flakë, duke bllokuar njerëzit në katet e sipërme dhe duke mbuluar qytetin në tym. Në më pak se dy orë, të dy kullat 110-katëshe u shembën në re masive pluhuri.

Avioni i tretë shkatërroi ‘faqen’ perëndimore të Pentagonit – selia gjigante e ushtrisë amerikane pak jashtë kryeqytetit të vendit, Washington DC.

Avioni i katërt u rrëzua në një fushë në Pensilvani pasi udhëtarët u kundërpërgjigjën. Mendohet se rrëmbyesit kishin për qëllim të sulmonin ndërtesën e Kapitolit në Washington DC.

Sa njerëz kanë vdekur?

Në total, 2,977 njerëz (pa llogaritur 19 rrëmbyesit) humbën jetën, shumica e tyre në New York.

Bëhet e ditur se 246 pasagjerët dhe ekuipazhi në bordin e katër avionëve ishin në mesin e të vdekurve.

Në Kullat Binjake, 2,606 njerëz vdiqën – atëherë ose më vonë nga plagët.

Në Pentagon, 125 njerëz u vranë.

Kush ishin sulmuesit?

Një rrjet ekstremist islamik i quajtur al-Kaeda planifikoi sulmet nga Afganistani.

I udhëhequr nga Osama Bin Laden, al-Kaeda fajësoi SHBA-në dhe aleatët e saj për konliktet në botën myslimane.

Nëntëmbëdhjetë persona kryen rrëmbimet, duke punuar në tre ekipe me nga pesë dhe një nga katër (në aeroplanin që u rrëzua në Pensilvani).

Secili grup përfshinte dikë që kishte marrë trajnim për pilot. Kjo u krye në shkollat fluturuese në vetë SHBA-në.

Pesëmbëdhjetë rrëmbyesit ishin sauditë si vetë Bin Laden. Dy ishin nga Emiratet e Bashkuara Arabe, një ishte nga Egjipti dhe një nga Libani. /Telegrafi/

Në trend Botë

Më shumë
Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Botë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Një veprim që ka

Një veprim që ka "fituar zemrat në mbarë botën" - oficeri i sigurisë në Mekë ndihmon pelegrinin me aftësi të kufizuara për të parë Qaben

Botë
Ukrainasit rrëzojnë aeroplanin ushtarak rus që kushton gati 80 milionë euro

Ukrainasit rrëzojnë aeroplanin ushtarak rus që kushton gati 80 milionë euro

Evropa
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Në Çeki zbulohet një rrjet propagande i financuar nga Rusia

Në Çeki zbulohet një rrjet propagande i financuar nga Rusia

Evropa
Kalo në kategori