Dialogu Kosovë-Serbi, Bislimi: Çështja e pagjeturve ishte tema e vetme, kërkuam të intensifikohen përpjekjet për gjetjen e të zhdukurve

Të martën dhe të mërkurën delegacionet nga Kosova dhe Serbia janë takuar në Bruksel, në kuadër të dialogut.

Udhëheqësi i delegacionit të Kosovës në dialogun me Serbinë, Besnik Bislimi ka thënë një ditë më parë se gjatë këtij muaji nuk do të ketë takim ndërmjet kryeministrit të Kosovës, Albin Kurti dhe presidentit të Serbisë, Aleksadar Vuçiq.

Bislimi sot në një postim në Twitter shkruan se familjet kanë nevojë të dinë fatin e familjarëve të tyre sa më parë.

Lexo po ashtu Bislimi: Nuk do të ketë takim Kurti-Vuçiq gjatë këtij muaji

“Familjet kanë nevojë të dinë fatin e familjarëve të tyre sa më parë. Ky është mesazhi që kemi përçuar në këto bisedime me Serbinë, ku tema e vetme ishin të pagjeturit. Kemi kërkuar të intensifikohen përpjekjet për gjetjen e të zhdukurve me dhunë gjatë luftës”, shkruan ai.

Edhe kryeministri Albin Kurti ka thënë se në dialogun me Serbinë, çështja e të pagjeturve është temë e cila nuk mund të pres. /Telegrafi/

Familjet kanë nevojë të dijnë fatin e familjarëve të tyre sa më parë. Ky është mesazhi që kemi përçuar në këto bisedime me Serbinë, ku tema e vetme ishin të pagjeturit. Kemi kërkuar të intensifikohen përpjekjet për gjetjen e të zhdukurve me dhunë gjatë luftës.

— Besnik Bislimi (@BislimiBesnik) September 9, 2021