Kosova ka barazuar me Greqinë në ndeshjen e katërt kualifikuese për Kampionatin Botëror ‘Katari 2022’.
Dardanët luajtën baras 1-1 me grekët, ku golin e vetëm në këtë sfidë e shënoi Vedat Muriqi.
Ishte një ndeshje e veçantë, pasi pas thuajse dy viteve mungesë, tifozët u rikthyen në shkallët e stadiumit Fadil Vokrri për ta parë nga afër Përfaqësuesen e Kosovës.
Si gjithmonë, Telegrafi sjell për lexuesit e saj prapaskenat pas çdo ndeshje të Përfaqësueses së Kosovës ku edhe kësaj radhe ishin të shumta.
Liderët më të lartë shtetërorë në shkallët e stadiumit
Kryeministri Albin Kurti dhe presidentja e shtetit Vjosa Osmani kanë qenë përkrahë kryetarit të FFK-së, Agim Ademi për ta parë nga afër Kosovën. Të dy krerët shtetërorë ishin të pranishëm në tribunën VIP dhe festuan së bashku me pjesën tjetër në këtë tribunë golin e barazimit nga Vedat Muriqi.
Koreografia fantastike e Dardanëve për t’i nderuar tri të artat e Kosovës
Më shumë se gjithçka, Përfaqësueses së Kosovës i kishin munguar tifozët e saj të zjarrtë Dardanët. Tifo grupi kosovarë ka dhuruar një shfaqje fantastike në tribunat e stadiumit ‘Fadil Vokrri’. Por në fillim të ndeshjes, Dardanët shpalosën koreografinë e tyre duke i nderuar tri xhudistat e arta të Kosovës, Majlinda Kelmendi, Nora Gjakova dhe Distria Krasniqi për medaljet e arta të fituara në Lojërat Olimpike.
Të gjithë në këmbë në minutën e nëntë, për ta nderuar legjendën Fadil Vokrri
Në stadiumin ‘Fadil Vokrri’ ishte bërë zakon që në minutën e nëntë të gjithë të pranishmit të ngriheshin në këmbë për ta thirrur emrin e legjendës Fadil Vokrri. Kjo gjë kishte munguar në dy vitet e fundit për shkak të mungesës së tifozëve. Por në takim me Greqinë, kur po zhvillohej minuta e nëntë të gjithë ndezën dritat në telefonat e tyre dhe thirrej fuqishëm emri i legjendës Vokrri.
Berisha bën liderin në fushë
Valon Berisha është njëri nga lojtarët më aktivë te Kosova. Mesfushori gjatë gjithë kohës dëgjohej duke i motivuar bashkëlojtarët e tij. Përveç që kryen punën e tij në mënyrën më të mirë në fushë, Valoni është gjithmonë aty për t’i motivuar bashkëlojtarët.
Lutjet e Halimit ndaj gjyqtarit kryesor për mos t’i dhënë kartonë të verdhë
Besar Halimi ka marrë kartonin e verdhë në minutën e 68-të të sfidës. Mesfushori kosovar bëri një ndërhyrje në sulm dhe në atë moment kur pa gjyqtarin me kartonë në dorë filloi t’i lutet për mos t’ia dhënë atë. Megjithatë gjyqtari francez Letexier kishte ndarë mendjen dhe e ndëshkoi. Kësisoj me kartonin e marrë, Halimi ka humbur mundësinë që të paraqitet në ndeshjen ndaj Spanjës.
Herolind Shala dhe Samir Ujkani tregojnë lidership, 90 minuta në këmbë në mbështetje të bashkëlojtarëve në fushë
Herolind Shala (29 vjeç) dhe Samir Ujkani (33 vjeç) janë dy lojtarët më të vjetër të Kosovës në këtë grumbullim. Por edhe pse ishin lënë në bankën rezervë nga trajneri Bernard Challandes, ata nuk po bënin polemika, përkundrazi po mbështetnin gjatë gjithë kohës bashkëlojtarët në fushë. Shala dhe Ujkani kanë qëndruar gjatë 90 minutave në këmbë duke bërë tifo për Kosovën, e shpesh herë reagonin edhe te gjyqtari i katërt për vonesat e lojës nga futbollistët grek.
Kontributi i këtyre dy futbollistëve për Kosovën është i jashtëzakonshëm, por ata janë shumë të nevojshëm për grupin edhe me përvojën e tyre të madhe dhe mbështetjen që po i japin futbollistëve të rinj. Edhe tek goli i barazimit, dyshja Shala e Ujkani vrapuan së bashku me lojtarët tjerë nga tribuna për të festuar golin me Vedat Muriqin dhe pjesën tjetër të ekipit.
Ulërima e trajnerit Bernard Challandes ndaj gjyqtarit të katërt
Greqia kishte kaluar në epërsi në minutën e fundit të pjesës së parë. Duke pasur epërsinë grekët e kanë vonuar gjatë gjithë pjesës së dytë lojën. E në momentin kur gjyqtari i katërt akordoi katër minuta shtesë atëherë erdhi edhe ulërima e madhe e trajnerit Bernard Challandes. Tekniku zviceran i Kosovës protestoi ashpër në drejtim të gjyqtarit të katërt, duke i thënë se duhej së paku gjashtë minuta shtesë për vonesat që bën futbollistët grek. /Telegrafi/
Promo
Reklamo këtuLufta Prigozhin - Putin
Më shumëNga Rubrika
VAR sinjalizoi për kartonin e kuq “më të keq në histori” në ligën e Francës, ndërsa tifozët thonë ‘ne menduam se Liga Premier ishte keq’
Lojtari i harruar i Liverpoolit, i cili iu bashkua klubit pesë vjet më parë pritet të shkëlqejë nën urdhrat e Arne Slot
Ermal Krasniqi shënon në humbjen e Rapid Bukureshtit ndaj Clujit
Pas Salah-Klopp, Erling Haaland konfrontohet me Pep Guardiolan
Nga Spanja raportojnë se Lunin ka arritur marrëveshje me gjigantin e Ligës Premier
Jamie Vardy refuzoi të ngriste trofeun e Championship pasi dy lojtarë të Leicester nuk ishin afër tij
Granit Xhaka me 'predhën' e radhës në Bundesliga – super goli i tretë sezonal me fanellën e Bayer Leverkusen
Lista me trajnerët që kanë fituar më së shumti trofe – Ancelotti vetëm i pesti
Ish-lojtari i Arsenalit dhe Lyonit u dërgua me urgjencë në spital, u dyshuar për gjakderdhje në tru
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak