Oriola Marashi pozon për “Guess”, vjen me një ndryshim në pamje

Oriola Marashi përveç që ka arritur suksese të shumta në vendlindje, ajo ka depërtuar edhe përtej kufijve shqiptarë duke u bërë imazh i markave të njohura botërore.

Supermodelja shqiptare edhe këto ditë ka qenë e angazhuar në realizimin e një fotosesioni të ri për markën “Guess”, e cila ka kohë që është bërë pjesë e shtëpisë së njohur të modës.

Këtë herë Oriolën e shohim shumë më ndryshe se që jemi mësuar, me një pamje të re, flokë të shkurta dhe stil klasik në veshje, teksa pozon pranë një mashkulli.

Modelja njoftoj përmes një postimi në Instagram se “Guess” ka sjellë një kampanjë të re të linjës “Marciano”.

E veshur me një fustan të zi për trupi dhe syze dielli po ashtu të zeza, Oriola shoqërohet nga një model mashkull, i cili gjithashtu kishte të veshur një kostum elegant.

“Momenti më krenar në jetën time”, ka shkruar Oriola në mbishkrimin e imazheve që ka hedhur në llogarinë e saj në Instagram.

Ndërkohë, Oriola ka më shumë se 600 mijë ndjekës në Instagram, ku edhe nuk mungojnë imazhe nga më të ndryshmet, disa prej të cilave duken mjaft provokuese. /Telegrafi/