Disa ditë më parë, u spekulua se seria e ardhshme e iPhone 13 do të mbështesë lidhjen me një sistem satelitor me orbitë të ulët (LEO). Sipas analistit Kuo Ming-Chiu, i cili bën parashikime për pajisjet e ardhshme të Apple, iPhone 13 do të mbështesë një sistem satelitor që do të lejojë përdoruesit të telefonojnë dhe të dërgojnë mesazhe pa mbulim 4G dhe 5G.
Sapo lajmi mbërriti në publik, ai provokoi debate të nxehta. Në fakt, lajmi bëri që aksionet e Apple të rriten me një shpejtësi rekord. Kjo nuk është e çuditshme, sepse komunikimi satelitor është një avantazh i madh. Nëse mbulimi i sinjalit 4G / 5G është i dobët, përdoruesit ende mund të dërgojnë mesazhe dhe të bëjnë thirrje.
Kuo Ming-Chi pohon se iPhone 13 do të përdorë një çip “të personalizuar” Qualcomm X60 që mbështet brezin e frekuencave n53 të përdorur nga kompania e komunikimeve satelitore Globalstar. Sidoqoftë, disa analistë celularë dhe ekspertë të komunikimit kanë vënë në dyshim një parashikim të tillë. Ata deklarojnë se “Apple iPhone 13 nuk do të mbështesë komunikimin satelitor”, sepse ata pretendojnë se këta çipa do të “përmirësojnë” vetëm lidhjet ekzistuese 5G.
iPhone 13 ende nuk do të mbështesë komunikimin satelitor?
Problemi është se komunikimet satelitore nuk përdorin fare breza frekuencash. Me shumë mundësi, Apple do të përdorë vetëm një nga brezat e zakonshëm të frekuencave të vjetra tokësore të Globalstar për të zgjeruar lidhjet LTE. Sipas Bloomberg, funksioni satelitor që Apple po zhvillon lejon përdoruesit të dërgojnë mesazhe me tekst vetëm në raste urgjente.
Ky funksion gjithashtu lejon përdoruesit e iPhone të raportojnë emergjencat në zonat pa mbulim të rrjetit celular. Megjithatë, nuk ka gjasa që kompania ta nisë këtë veçori në vitin 2021. Apple ka të ngjarë ta prezantojë këtë veçori si një shërbim special dhe nuk do të zëvendësojë komunikimin aktual për SMS dhe thirrje.
Përveç kësaj, Bloomberg gjithashtu pretendon se Apple nuk do ta nisë këtë shërbim në të gjitha rajonet. Disponueshmëria e tij do të varet nga rregulloret lokale dhe vendet satelitore. Karakteristika e integruar do të kërkojë nga përdoruesi të dalë jashtë dhe të ecë në një drejtim të caktuar për të ndihmuar iPhone të lidhet me satelitin. Lidhja gjithashtu mund të mos jetë e menjëhershme dhe mund të duhet deri në një minutë që iPhone të komunikojë me sukses me satelitin.
Një çip i veçantë modem do të nevojitet për t’u lidhur me satelitin, dhe Apple do të vazhdojë të përdorë teknologjinë Qualcomm për vitet e ardhshme. Nuk është e qartë nëse Apple do të bashkëpunojë me Globalstar, siç përmendi Ming-Chi Kuo. /Telegrafi/
Promo
Reklamo këtuLufta Prigozhin - Putin
Më shumëOpenAI po teston një motor të ri kërkimi të quajtur SearchGPT
Ukraina me sulme kibernetike ndaj Rusisë - shërbimet bankare dhe telekomunikuese pësojnë kolaps
Publikohen disa specifika të iPhone 17 Slim
Përplasen Google dhe Mark Zuckerberg
Përditësimi i ri i Google Messages do të sjellë filtra të ngjashëm me Snapchat
Kongresistja amerikane hyn në histori, mbajti fjalim duke shfrytëzuar Inteligjencën Artificiale
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Koci jep detajet e fundit për rastin e Faton Hajrizit: Çdo informacion po e marr me rezervë të madhe
Ish-fituesi i Kupës së Botës, Philipp Lahm, jep shtëpi me qira me Airbnb për vetëm 21 euro në natë - ai premton se do të mirëpresë personalisht mysafirët
Sondazhi i New York Times - kush po udhëheq, Harris apo Trump
"Unë jam gjallë, nuk është ende vonë", gjermani i dënuar me vdekje në Bjellorusi kërkon ndihmë përmes televizionit shtetëror
E nisi me humbje të thellë me Juventusin, këto janë fjalët e Thiago Mottas
E gjuajtën edhe në Kosovë, Bebe Rexha i drejtohet sigurimit në shqip që të mos e largojë fansin: Lëre lëre, është vetëm një bluzë