Fushata për zgjedhjet lokale të 17 tetorit pritet të shënojë ngecje në punët e nivelit qendror, meqë deputetë e ministra do të jenë në garë për kryetarë të komunave. Sipas shoqërisë civile energjia do të përqendrohet në garën për të fituar sa më shumë komuna duke lënë kështu në plan të dytë punët për të cilat kanë mandat.
Ligji nuk i ndalon deputetët e as ministrat që të jenë pjesë e garës për zgjedhje lokale dhe derisa të certifikohen për mandatin për të cilin kanë garuar, ata mbajnë njëkohësisht postin tjetër në institucione.
Sesioni vjeshtor i Kuvendit të Kosovës dhe fushata zgjedhore do të fillojnë në javën e tretë të shtatorit, por drejtoresha ekzekutive e Lëvizjes FOL, Mexhide Demolli-Nimani vlerëson se angazhimi i politikanëve në fushatë zgjedhore do të pengojë në punën në Kuvend.
“Do të jetë sfidë në vete kur e ke parasysh që janë zgjedhje të rregullta, fushata zgjedhore zgjat 30 ditë dhe vërtetë di të jetë sfidë, jo vetëm sa i përket anës së Kuvendit por njësoj e kemi edhe me ministrat të cilët kandidojnë për kryetar të komunave dhe puna e tyre do të jetë një hendikep derisa nuk e lirojnë pozitën aktuale që të merren vetëm me fushatë gjatë zgjedhjeve, plus këtu shtohet situata me pandeminë që fatkeqësisht është alarmante për sa i përket numrit të të infektuarave, ashtu edhe numrit të të vdekurve kemi një numër shumë të madh, kështu që nuk e di si do të menaxhohet, mbetet të shihet, por kjo padyshim që do të pengojë në zhvillimin normal qoftë të seancave”, thotë Demolli-Nimani.
Ndërsa Emir Abrashi nga Demokraci Plus, thotë se mungesa e deputetëve në komisione parlamentare e në seanca do të jetë e shtuar gjatë periudhës së fushatës zgjedhore.
“Të gjitha partitë pa dallim, edhe ato të pozitës dhe opozitës, e kanë për synim fitimin e sa më shumë komunave ose të paktën shkuarjen në bashkëqeverisje pas balotazhit në pjesën më të madhe të komunave, andaj edhe ekzekutivi do të jetë padyshim më i përgjumur në këtë periudhë… Partitë duhet të kenë parasysh edhe interesin e qytetarëve para se të marrin veprimet, po përtej edhe interesit të qytetarëve duhet të kenë parasysh që një pjesë e ligjeve janë ligje të cilat direkt ndikojnë në marrëdhëniet e Republikës së Kosovës me shtetet e tjera, andaj në të tilla raste duhet të jenë serioz dhe nuk duhet t‘i shmangën Kuvendit me arsyetimin se gjenden në fushatë. Qytetarët më 14 shkurt kanë votuar për ndryshim dhe ky ndryshim bëhet nga ekzekutivi dhe legjislativi dhe zgjedhjet lokale nuk janë ndryshimi për të cilin është votuar më 14 shkurt”, thotë Abrashi.
Përveç deputetëve nga Lëvizja Vetëvendosje, PDK, LDK e AAK, në garë për zgjedhjet lokale është edhe ministri i Shëndetësisë, për çka është kritikuar për këtë vendim në kohën kur vendi po përballët me numër të madh të të infektuarve me Covid-19.
“Situata me pandeminë do të duhej të jetë prioritet si për qeverinë si për kuvendin, nuk jemi duke e parë një gjë të tillë, e kemi vet ministrin e Shëndetësisë që ka konkurruar për kandidat në zgjedhjet komunale të Prishtinës, andaj është sfidë në vete se do të jetë prioritet shëndetësia apo kandidimi i tij për kryetar të komunës së Prishtinës, kjo veç u pa, vendosi të jetë ministër deri në rastin e zgjedhjes nëse eventualisht zgjidhet”, shton Demolli-Nimani.
Fushata zgjedhore fillon më 16 shtator dhe zgjat një muaj ndërsa zgjedhjet lokale mbahen më 17 tetor./kp/
Lufta Prigozhin - Putin
Më shumëNga Rubrika
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Në Tupallë të Medvegjës mbahet manifestimi “Takimet e Vendlindjes”
Prokuroria jep detaje për plagosjen e katër personave në Lupç të Podujevës
Njëri nga katër të plagosurit në Lupç të Podujevës është në rrezik për jetë
Të shtëna me armë në Lupç të Podujevës, katër të plagosur
Vdes në vendin e punës punëtorja e një furre të bukës në Mitrovicën e Veriut
Ndalohen për 48 orë pesë të dyshuar për rastin e plagosjes në Lupç
Mjeti lundrues pësoi defekt në det, policia shpëton 11 turistë në Vlorë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës