Gjykata Themelore në Prishtinë e ka hedhur poshtë aktakuzën e ngritur ndaj deputetes dhe nënkryetares së Kuvendit të Kosovës nga radhët e Lëvizjes Vetëvendosje, Saranda Bogujevci, për pengim të personit zyrtar.
Ajo ngarkohej se në nëntor të 2015-së kishte penguar punën e një polici, i cili nuk e kishte lejuar deputeten të kalonte nëpër një rrugë të bllokuar në Prishtinë.
Një vendim të tillë kjo gjykatë rezulton se e ka nxjerrë më 30 shtator të vitit 2020.
Ndryshe, Prokuroria Themelore në Prishtinë më 17 nëntor 2017, kishte ngritur aktakuzë ndaj Bogujevcit se kishte insistuar që me çdo kusht të kalonte në rrugën “Migjeni” në Prishtinë edhe pse ishte njoftuar nga zyrtarët policorë që kjo rrugë ishte e bllokuar dhe e njëjta nuk mund të kalonte, raporton “Betimi për Drejtësi”.
Mirëpo, pas tre vitesh nga ngritja e kësaj aktakuze, gjykata kishte vendosur ta hedhë poshtë këtë aktakuzë.
Në arsyetimin e vendimit të siguruar nga “Betimi për Drejtësi” thuhet se Gjykata pas shqyrtimit paraprak të aktakuzës ka gjetur se veprës penale për të cilën ngarkohet Bogujevci, i mungojnë elementet e figurës së veprës penale, përdorimi i forcës apo kanosje serioze, që është element thelbësor në kryerjen e kësaj vepre penale.
Sipas këtij vendimi, në të njëjtën kohë edhe Prokuroria Themelore në Prishtinë ishte tërhequr nga aktakuza.
“Po më 30.09.2020, gjykata pranoi shkresën zyrtare nga Prokuroria Themelore në Prishtinë se prokurori i rastit pas analizimit të shkresave të lëndës, konstatoi se në këtë rast nuk kemi të bëjmë me vepër penale, prandaj e bën tërheqjen e aktakuzës”, thuhet në vendimin e gjykatës.
Po ashtu, në vendim thuhet se këto veprime mund të kualifikoheshin si kundërvajtje sipas Ligjit për rendin dhe qetësinë publike, nenit 16 të tij.
Sipas aktakuzës së ngritur nga Prokuroria Themelore në Prishtinë më 17 nëntor 2017, e akuzuara Saranda Bogujevci akuzohej për veprën penale “pengim i personit zyrtar në kryerjen e detyrave zyrtare”, nga neni 409, par.1 të Kodit Penal.
Siç thuhet në aktin akuzues, e akuzuara Bogujevci më 28 nëntor 2015 në rrugën “Migjeni”, në Prishtinë, fillimisht nuk e kishte respektuar urdhrin verbal të zyrtarëve policorë, të cilët kishin qenë të angazhuar për bllokimin e rrugës në fjalë.
Gjithnjë sipas aktakuzës, pasi e akuzuara i kishte pyetur zyrtarët policorë se a mund të kalonte në atë pjesë edhe pse ishte njoftuar se nuk mund të kalonte, ajo megjithatë kishte insistuar që me çdo kusht të kalonte, me ç’rast policin, tani të dëmtuarin Ilir Rexha, e kishte penguar në kryerjen e detyrës zyrtare.
“Betimi për Drejtësi” ka tentuar që të kontaktojë me nënkryetaren e Kuvendit të Republikës së Kosovës Bogujevci, por e njëjta ka qenë e pa qasshme.
Vepra penale “pengim i personit zyrtar në kryerjen e detyrave zyrtare”, është e dënueshme me burgim prej tre muaj deri në tre vjet.
Promo
Reklamo këtuLufta Prigozhin - Putin
Më shumëNga Rubrika
Liria e shtypit në Ballkanin Perëndimor, Maqedonia renditet e 36-ta
Rama: Spitali i Kryeqytetit po bëhet, shumë shpejt projekti do të tenderohet
Ferizaj, një grua raporton se vajza e saj është marrë nga një person i panjohur – dyshohet se ka kryer marrëdhënie seksuale me të
“Ushtria digjitale” e Kurtit në front kundër gazetarëve
Ambasadori i Finlandës: Anëtarësimi i Kosovës në NATO do të bëhet realitet
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Vranët dhe me riga shiu
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe