Talebanët shpallin “një amnisti të përgjithshme”, gazetaret dhe mjeket i kthehen punës – detaje rreth zhvillimeve të fundit në Afganistan

Talebanët të martën shpallën një “amnisti të përgjithshme” për qytetarët afganë, duke u kërkuar atyre të kthehen në punë.

Përmes një deklarate, shkruajnë mediat e huaja, përcjell Telegrafi, është thënë se njerëzit mund të kthehen në “jetën e tyre rutinë me besim të plotë”.

Një gjë e tillë vjen pasi lideri i lartë i talebanëve, Amir Khan Muttaqi u raportua se kishte mbërritur në Kabul për të negociuar me udhëheqjen politike të vendit, përfshirë ish-presidentin Hamid Karzai dhe Abdullah Abdullah, të cilët më parë kryesonin këshillin negociator të vendit.

Muttaqi ishte një ministër i arsimit të lartë kur talebanët sunduan për herë të fundit Afganistanin.

Ai filloi të lidhej me udhëheqësit politikë afganë edhe para se presidenti afgan Ashraf Ghani të ikte nga pallati presidencial në Kabul të dielën.

Një zëdhënës i talebanëve tha se bisedimet që po zhvilloheshin në kryeqytetin afgan kanë për qëllim të fusin udhëheqës të tjerë jo-talebanë në arkitekturën e re shtetërore, për të cilën zëdhënësi i talebanëve Suhail Shaheen ka thënë se do të jetë një “qeveri gjithëpërfshirëse afgane”.

Reports from Afghanistan are pretty good. The situation is calm and even the female journalists are being allowed to work and they are reporting from the field. I hope peace and progress prevail in the country under the new rule of the Taliban.#Kabul #Taliban #Afghanistan pic.twitter.com/tMPBlzB960

— Wajahat Kazmi ? (@KazmiWajahat) August 17, 2021

Ndërkohë duke raportuar për gjendjen së fundmi në vend, mediat shkruajnë se edhe spikerët femra u kthyen në vendet e tyre të punës të martën në mëngjes në TOLO News, një kanal lajmesh 24/7 në Afganistan.

#UPDATE Women return to present on major Afghan news channel.
In this interview, Beheshta Arghand from ToloNews, one of Afghanistan’s major media outlets talks to Abdul Haq Hammad, a member of the Taliban’s press team, about the current situation in Kabul.

?Credit Tolonews pic.twitter.com/oxK5V8nHMJ

— Mowliid Haji Abdi (@MowliidHaji) August 17, 2021

Miraqa Popal, kreu i lajmeve, ndau fotografinë e njërit prej gazetarëve në Twitter dhe më vonë postoi fotografi të një spikere femër duke intervistuar një zëdhënës të talebanëve.

Veç këtyre, pak para mesnatës me orën lokale të hënën, Mohammad Naeem, një zëdhënës i zyrës politike të talebanëve, ndau një video që duket se tregon anëtarët e talebanëve duke folur me stafin në një spital, përfshirë gra. Ai tha se “të gjithë” do të ktheheshin në punë.

أحد ابرز علماء الامارة الاسلامية مخاطبا الطاقم الطبي للمستشفی بما فیه النساء بأن یحضر الجمیع لوظائفهم و یقوموا بأعمالهم بشکل طبیعي. نحن نوفر الأمن والأمان أکثر بکثیر من ذي قبل. pic.twitter.com/cMWqbIXxsT

— Dr.M.Naeem (@IeaOffice) August 16, 2021

Ndryshe, zhvillim i rëndësishëm së fundmi ishte edhe një fjalim i presidentit amerikan Joe Biden në të cilin ai tha se “qëndron drejt” pas tërheqjes ushtarake të Uashingtonit nga Afganistani.

Biden është kritikuar nga kritikët brenda dhe jashtë vendit për vendimin e tij. /Telegrafi/