Shtëpi familjare me një shpirt muzeor (Plani detaj)

Një oazë e vërtetë ku është magjike të jetosh

Qyteti Havirov në Republikën Çeke është zbukuruar me një shtëpi tjetër që shtrihet mbi 270m2, dhe është një kryevepër e arkitekturës rezidenciale që kombinon format organike dhe konceptin e hapësirës së hapur.

Në anën veriore të shtëpisë, arkitektët krijuan një oborr më intim, te i cili mund të arrihet drejtpërdrejt nga dhoma kryesore e gjumit, si dhe nga një dhomë më e vogël, transmeton Telegrafi.

Vetë hapësira e brendshme është projektuar si një zonë qarkullimi të lirë, me dy pjesë të veçanta horizontale në të cilat janë dhomat e gjumit, banja, tualeti, hapësira e magazinimit dhe një dhomë lavanderie.

Ashtu si disa muze të artit bashkëkohor, muret brenda shtëpisë janë në sinergji me pjesën e jashtme dhe forma e tyre e valëzuara, pothuajse skulpturore trajtohet me një teksturë betoni.

Pamja nga dhoma e ndenjës në banjë dhe hyrja në dhomën e gjumit

Kontrasti me muret prej betoni, bëjnë muret prej qelqi qumështi të përkulur të një pjese të banjës dhe hyrjes dhe theksojnë notën e fortë skulpturore të enterierit.

Muret prej qelqi të banjës

Pamje nate e hyrjes dhe e shtëpisë

Kuzhina është një parajsë e vërtetë për të gjithë dashamirët e gatimit me pamjen e saj të madhe katrore dhe me pamje në natyrë

Pamja e përsosur në natyrë – elementet e kuzhinës përgjatë gjithë murit janë në një ngjyrë të bardhë diskrete.

Pothuajse i vetmi theks në hapësirë është ishulli i kuzhinës dhe zona rreth lavamanit në të zezë, e cila është komplementare me kornizat e zeza të dritareve panoramike.

Dhomë ngrënie me një pamje perfekte të natyrës

/Telegrafi/