Musk konfirmon: Tesla hap rrjetin e saj të karikimit për të gjitha veturat elektrike

Prodhuesi i automjeteve do të hapë më shumë se 25,000 pikat e saj të karikimit në të gjithë botën për veturat e tjera elektronike.

Tesla gjithashtu dëshiron që t’i bëjë stacionet e saj të karikimit të shpejta të arritshme për automjete elektrike nga prodhuesit e tjerë.

“Ne do të hapim rrjetin tonë ‘supercharger’ për veturat e tjera më vonë këtë vit”, konfirmoi shefi i kompanisë Elon Musk në Twitter.

Me sa duket Norvegjia do të jetë vendi i parë për stacionet e Teslas për veturat elektrike.

Tesla thuhet se ka bërë marrëveshje përkatëse edhe në Suedi. Kohët e fundit, u bë e njohur se negociatat po zhvillohen gjithashtu në Gjermani për të hapur infrastrukturën e karikimit.

Funny how many people are now questioning why Tesla created their own proprietary charging connector and that it's not fair for other EVs. How about no support for @elonmusk when he was advancing the technology. His team created a reliable way to charge the fleet? Deal with it! pic.twitter.com/K7zLmyIemT

— TesLatino (@TesLatino) July 20, 2021

We created our own connector, as there was no standard back then & Tesla was only maker of long range electric cars.

It’s one fairly slim connector for both low & high power charging.

That said, we’re making our Supercharger network open to other EVs later this year.

— Elon Musk (@elonmusk) July 20, 2021

Më shumë se 25,000 pika karikimi

Në Evropë, veturat Tesla po përdorin tashmë standardin CCS, gjë që e bën relativisht të lehtë hapjen e infrastrukturës së karikimit.

Me një infrastrukturë karikimi prej më shumë se 25,000 pikash karikimi dhe më shumë se 2,700 stacione mbingarkese në të gjithë botën, kompania ka një avantazh konkurrues ndaj prodhuesve të tjerë të veturave.

Vetëm në Evropë, Tesla instaloi më shumë se 700 pika karikimi ‘supercharger’ në 80 lokacione në tremujorin e dytë, siç njoftoi prodhuesi i veturave në një transmetim.

Ionity në Evropë

Ionity, për shembull, ofron një rrjet të ngjashëm të stacioneve të karikimit në Evropë. Aktualisht ka rreth 400 stacione të karikimit të shpejtë Ion në 18 vende në rrugët kryesore të Evropës. Një shpejtësi maksimale e karikimit deri në 350 kW është e mundur në këto stacione karikimi të vendosura në mënyrë strategjike.

Ionity është një ndërmarrje e përbashkët e financuar nga BE në të cilën përfshihen kompani të tilla si Volkswagen, Daimler, BMW, Hyundai, Ford dhe Renault.

Ekzistojnë gjithashtu marrëveshje bashkëpunimi me operatorët e stacioneve të benzinës si Shell dhe OMV. /Telegrafi/