“Nuk na linin ta shikonim në sy kur ajo vinte dhe punonim pa orar”, stafi që punonte në fabrikën e Kylie Jennerit tregojnë kushtet ‘çnjerëzore’ në punë

Stafi në një fabrikë që prodhonin produktet kozmetike të Kylie Jenner u ndjenë ‘të degraduar’ nga mbikëqyrësit dhe madje u ndaluan të shikonin yllin kur ajo e vizitoi fabrikën, kanë pohuar ish-punëtorët.

23-vjeçarja nxori në treg produktet “KYLIE Lip Kits” gjashtë vjet më parë, para se të quhej “Kylie Cosmetics” një vit më vonë, shkruan DailyMail.

‘Spatz Laboratories’ në Oxnard, Kaliforni, prodhuan produktet kozmetike kur marka filloi dhe ish-punonjësja Irene Lopez thotë se ajo ishte punësuar për të punuar në linjën e prodhimit në viti 2016 nga një agjenci pune.

Kylie herë pas here vizitonte fabrikën, të cilën ajo e zotëron ose kontrollon, me nënën e saj Kris Jenner për të kontrolluar prodhimin e produkteve të saj.

Por Irene, 32, i tha The Sun: “Përpara se të vinin ato, mbikëqyrësit tanë do të na thoshin: ‘Ju nuk lejoheni të flisni me ta, supozohet të vazhdoni të punoni, ju nuk keni të drejtë të bëni asnjë fotografi ose t’iu bëni ndonjë pyetje atyre’”.

Lexo po ashtu Për shkak të grabitjes që i ndodhi në Paris, Kim Kardashian përjetoi PTSD gjatë karantinës: Kisha agorafobi

Ish-punonjësja shtoi se Kylie nuk donte të fliste kurrë me stafin dhe donte të shikonte në heshtje ndërsa diapazoni i saj me shkëlqim bëhej para syve të saj.

Një tjetër ish-punonjëse e ‘Spatz Laboratories’, Martha Molasco, e cila punoi atje nga 2015 deri në vitin 2017, tha se kishte rregulla për stafin kur Kylie vizitonte fabrikën.

“Mbikëqyrësit do të thoshin: ‘Mos flisni me to, madje as mos i shikoni ato’”, tha 31-vjeçarja.

Nuk ka asnjë tregues që Kylie ose Kris i dhanë ndonjë udhëzim stafit ose dinin për rregullat dhe ‘Kylie Cosmetics’ kuptohet që nuk përdor më ‘Spatz Laboratories’ si fabrikën e prodhimit të produkteve të saj.

Irene tha se ndjehej e ‘degraduar’ gjatë kohës së saj në kompani dhe tha se stafi ishin të detyruar t’i plotësonin kuotat e prodhimit deri në 1,200 produkteve çdo ditë.

Ajo tha: “Mbikëqyrësit që kisha atje kishin qenë shumë degradues ndaj të gjithëve. Gjithçka duhej të bëhej në mënyrë perfekte dhe nëse nuk do të ishte, ata do ta hidhnin në fytyrën tuaj sikur të ishe plehrë. Nëse nuk do të shkonit në kohë, do të pushoheshit nga puna”.

Ish-punonjësja tha se ajo shpesh përfundonte duke qarë pasi qortohej se nuk ishte mjaft e shpejtë në linjën e prodhimit.

Një herë, ajo pretendon se mbikëqyrësi i saj hodhi të gjitha produktet e saj të përfunduara në plehra, duke e detyruar atë të fillonte nga e para.

“Personelit iu tha se ata mund të pushoheshin nga puna me pagë minimale dhe të zëvendësoheshin nga dikush tjetër nga agjencia”, tha ajo.

Lexo po ashtu Kylie Jenner ri-nxjerr më treg Kylie Cosmetics me të gjitha produktet e reja

Martha tha që puna fizike e la atë me probleme mjekësore me dhimbje duke filluar nga dora e saj në bërryl pasi kishte punuar ndërrime 12-orëshe nga ora 16:00 në 4:00 duke qëndruar në fabrikë.

Irene pretendoi se ajo punonte me turne tetë-orëshe por shpesh bëhej presion për të punuar në fundjavë nga frika e pushimit nga puna.

Nëna e vetme e dy fëmijëve tha se luftonte për të gjetur kujdesin për fëmijët gjatë fundjavave, por ishte ende e detyruar të hynte ose ishte kërcënuar të humbte punën e saj.

Irene gjithashtu pretendoi se punëtorët qëndronin të bashkuar së bashku dhe diskutonin për padrejtësitë që iu bëheshin

Ndërkohë, Martha tha se asaj i duhej të duronte kushtet e ftohta në dimër dhe nxehtësinë djegëse në muajt e verës.

Irene nuk punon më në fabrikë por tha se asaj i është thënë nga punonjësit aktualë se kushtet janë të njëjta.

Shqyrtimet në internet nga punonjësit e tjerë të pakënaqur krijojnë një pamje të ngjashme të fabrikave ‘Spatz’.

Një person ka shkruar: “Njerëzit duhet të kalojnë nëpërmes një agjencie punësimi për të gjetur një vend pune në këtë vend në mënyrë që kompania të mos ketë problem t’ju pushojë nëse nuk mund të bëni ndërrime nga 10 në 12 orë, HR nuk kujdeset. Nëse jeni një punëtor i palodhur ose jo, nëse nuk jeni pjesë e ndërmarrjes ata nuk kujdesen për mendimin ose shqetësimet tuaja, nëse jeni i huaj ata vendosin këtë front të madh sikur gjithçka është mirë”.

“Njerëzit me të cilët kam biseduar nuk e pëlqyen punën, dua të them që ky vend është një rrëmujë. Jam i befasuar që nuk është mbyllur. Unë do t’i jepja këtij vendi 0 yje, por ai opsion nuk është atje”.

Nndërkohë një tjetër punonjës shkroi: “Nëse po kërkoni të merrni minimumin, punoni si një qen, 50 orë në javë në sezonin e festave vetëm në mënyrë që të pushoheni nga puna më pas ose të merrni katër orë në ditë kur nuk është sezonale , atëherë vazhdoni. Menaxhmenti dëshiron vetëm numra”.

Ish punonjësit gjithashtu kanë depozituar ankesa në Zyrën e Komisionerit të Punës në Kaliforni sipas The Sun. /Telegrafi/