Miliarderi Richard Branson niset sot për në hapësirë, zbulohen detajet e udhëtimit

Dy fluturake hapësinore, dy kompani, dhe një qëllim – do të çojë themeluesit në hapësirë. Richard Branson dhe Jeff Bezos kanë themeluar kompanitë e tyre “Virgin Galactic” dhe “Blue Origin”, e tani dyshja kanë vendosur të nisen për në hapësirë me një diferencë kohore prej pak ditësh.

Si rezultat i zhvillimit paralel të kompanive dhe luftës së ashpër mes dy sipërmarrësve, udhëtimet nënkuptojnë një kthesë të madhe në industrinë e turizmit hapësinorë, trend ky që është në rritje, transmeton Telegrafi.

Edhe pse miliarderët janë në mesin e pasagjerëve të parë, qëllimi i tyre i fundit është që t’ju mundësohet klientëve të pasur që me sytë e tyre për disa minuta ta shijojnë Tokën nga hapësira.

Megjithatë nuk do të jenë pasanikët e parë që shkojnë në hapësirë. Amerikani me prejardhje hungareze Charles Simon dhe Guy Laliberte, kanadezi dhe njëherit bashkëthemelues i Cirque du Soleil”, kishin kaluar disa ditë në stacionin ndërkombëtarë hapësinorë në vitin 2007.

E Bezos dhe Branson do të jenë të parët që në hapësirë do të shkojnë me kompanitë private hapësinore që vetë i kanë themeluar.

“Është një rastësi e këndshme, që po shkojmë larg në të njëjtin muaj”, ka thënë Branson gjatë një interviste dhënë për Washington Post, duke shtuar se vendimi i tij që ta shtyjë fluturimin për 11 korrik “nuk është marrë” për ta kaluar themeluesin e Amazonit, udhëtimit i të cilit është paraparë për 20 korrik.

From the beginning, New Shepard was designed to fly above the Kármán line so none of our astronauts have an asterisk next to their name. For 96% of the world’s population, space begins 100 km up at the internationally recognized Kármán line. pic.twitter.com/QRoufBIrUJ

— Blue Origin (@blueorigin) July 9, 2021

Branson do të niset sot nga baza në New Mexico e quajtur SpacePort America. Koha ende nuk është bërë e ditur, por kompania ka bërë të ditur se gjithçka do të transmetohet drejtpërdrejtë nga ora 19:00.

Fluturakja do të niset nga pista dhe do të zbret në VSS Unity. Ajo do të ngritet mbi 80 kilometra mbi tokë, që Shtetet e Bashkuara e konsiderojnë si kufiri me hapësirën. /Telegrafi/