Talibanët mund të paraqesin planin e shkruar për paqen në Afganistan muajin tjetër

Talibanët planifikojnë të paraqesin një propozim me shkrim paqeje për qeverinë afgane deri në muajin e ardhshëm, ka thënë një zëdhënës i grupit, ndërsa luftëtarët e tyre po bëjnë “fitime të mëdha territoriale”.

Sipas mediave të huaja, përcjell Telegrafi, qindra anëtarë të forcave afgane të sigurisë kanë ikur në Taxhikistanin fqinj përpara përparimeve të talibanëve që kur Shtetet e Bashkuara lanë bazën e saj kryesore afgane, pjesa qendrore e SHBA dhe NATO për gati dy dekada në vend, si pjesë e një plani për të tërhequr të gjithë trupat deri më 11 shtator.

“Bisedimet dhe procesi i paqes do të përshpejtohet në ditët në vijim… dhe ato pritet të hyjnë në një fazë të rëndësishme, natyrisht do të ketë të bëjë me planet e paqes”, ka thënë për Reuters të hënën zëdhënësi taliban Zabihullah Mujahid.

“Ndoshta do të duhet një muaj për të arritur atë fazë kur të dy palët do të ndajnë planin e tyre të shkruar të paqes”, citohet të ketë thënë ai, duke shtuar se raundi i fundit i bisedimeve ishte në një moment kritik.

“Megjithëse ne (Talibanët) kemi epërsinë në fushën e betejës, ne jemi shumë seriozë në lidhje me bisedimet dhe dialogun”. /Telegrafi/