Vetëm dy javë pas emërimit, kryesuesi i Komisionit Qendror Zgjedhor, Kreshnik Radoniqi ka raportuar në Komisionin për Legjislacion për raportin e KQZ të vitit 2020 që është udhëhequr nga paraardhësi i tij, Valdete Daka.
Radoniqi tha se organizimi i zgjedhjeve në pandemi ka qenë sfidues edhe për punën e KQZ-së.
Ai tha se shumë punë që janë bërë në KQZ nën kryesimin e Valdete Daka, por shtoi se sfidat e punës së KQZ janë të ndryshme, ku edhe përmendi dy nga to, mos-ndryshimi i ligjit për zgjedhjet parlamentare dhe lokale, dhe mosintegrimi unik i adresave në listën e votuese.
Deputeti nga VV, Artan Abrashi tha se nuk do të merret sot me të kaluarën në KQZ, por shtoi se vendimet në këtë institucion kanë qenë të dëmshme.
Deputetja Blerta Deliu nga PDK-ja, tha se jorastësisht KQZ ka qenë një ndër institucionet më kredibile në vend, ndërsa shtoi se presidentja Vjosa Osmani po bën shkelje kushtetuese për mosdekretimin edhe të një anëtari të PDK në KQZ.
“Anëtari i tretë i cili pritet të bëhet në KQZ nga VV është nga Lista Guxo, prandaj PDK-së po i mohohet anëtari i dytë në KQZ. Kjo është shkelje kushtetuese”, tha ajo.
Deputetja Deliu ngriti po ashtu edhe shkarkimin e ish-kryetares së KQZ Valdete Daka, sipas të cilës presidentja Osmani dhe kryeministri Kurti kanë bërë shkelje Kushtetuese.
Kryetari i Komisionit Adnan Rrustemi ka kërkuar nga deputetja Deliu që sot në këtë komision të diskutohet për punën e KQZ për vitin 2020, dhe sipas tij, të mos ketë diskutime politike.
Deputeti Hajdar Beqa nga PDK-ja, tha se Kosova ka nevojë për reformë zgjedhore, megjithëse partisë në pushtet ia kujtoi se tentativën, siç tha ai natën për ndryshim të ligjit.
“Reforma zgjedhore është e nevojshme, por jo në atë mënyrë siç ishte tentuar të bëhet natën”, tha ai.
Po ashtu, edhe deputeti Beqa përmendi shkarkimin e Dakës nga KQZ, që sipas tij, nuk përjashtohet mundësia që Osmani dhe Kurti të shkarkojnë edhe Radoniqin.
Anëtari i Komisionit nga AAK, Besnik Tahiri nuk la pa përmendur edhe sot procesin zgjedhor në Podujevë, për çka plasën së qeshurat nga kolegët e tij.
Tahiri është kandidatë për kryetar në atë komunë. Komisioni është ende duke diskutuar për punën në KQZ.
Ndërsa, në rend dite ka njoftimin lidhur me shkresën e Grupit për Studime Juridike dhe Politike (GLPS), Formimin e grupit punues për Projektligjin për ndryshimin dhe plotësimin e Ligjit për përgjegjësinë disiplinore të gjyqtarëve dhe prokurorëve, si dhe shqyrtimin e ecurisë së konkursit për zgjedhjen e drejtorit të Agjencisë kundër Korrupcionit./kp/
Promo
Reklamo këtuLufta Prigozhin - Putin
Më shumëMospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
Projekti më i mirë, Piramida e Tiranës fiton çmimin e madh për Evropën Juglindore
Kosova jashtë KiE-së, deputetja finlandeze akuzon BE-në se po tregohet e butë me Serbinë
Flet shqiptari që vrau gruan: Nuk pendohem, hante me paratë e mia dhe më tradhtonte
Kosova jashtë KiE, Mujanoviq: BE po çon ujë në ‘mullirin’ e Vuçiqit
Plagosje me armë zjarri në Nashec të Prizrenit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore