Shkup, nesër regjim i ndryshuar i komunikacionit

Rrugët “Dimitrije Çupovski” dhe “Dame Gruev”, si dhe pjesë e bulevardeve “VMRO” dhe ”Ilinden” në qendër të Shkupit, nesër do të kenë regjim të ndryshuar të komunikacionit, për shkak të “Paradës së krenarisë” nga ora 12:00 – 17:00, njoftojnë nga Ministria e Punëve të Brendshme.

“Rruga e planifikuar e lëvizjes së pjesëmarrësve nga parku “Gruaja luftëtare”, e cila fillon në orën 12:00 është në rrugën “Dimitrije Çupovski”, duke u kthyer në rrugën “Dame Gruev” dhe bulevardin “VMRO” drejtë Qeverisë të RMV-së, pastaj në bulevardin “Ilinden” për tek fontana në Parkun e Qytetit dhe përfundon tek “Guacka” në Parkun e Qytetit në orën 17:00”, thuhet në kumtesën e MPB-së.

MPB-ja informon se Njësia e sigurisë së komunikacionit rrugor pranë SPB Shkup do të marrë masa të posaçme për komunikacion të sigurt dhe të pandërprerë, të cilat do të ridrejtohen në rrugët përreth.

MPB-ja u bën apel të gjithë pjesëmarrësve në komunikacion që të respektojnë urdhrat e dhëna nga nënpunësit e policisë dhe të respektojnë rregullat dhe rregulloret e komunikacionit në mënyrë që trafiku të jetë i sigurt dhe i pandërprerë.