Ministri i Punëve të Jashtme të Gjermanisë, Heiko Maas ka kërkuar bashkëpunim më të madh ekonomik mes vendeve të Ballkanit Perëndimor.
Në një konferencë për media, të cilën e mbajti pas takimit virtual që pati me ministrat e jashtëm të Ballkanit Perëndimor dhe disa vendeve të Bashkimit Evropian, Heiko Mass tha se integrimi në BE, sundimi i ligjit dhe përmbushja e reformave të kërkuara janë hapa që duhet të merren seriozisht nga vendet e Ballkanit, nëse duan anëtarësim në familjen evropiane.
“Si hap të ardhshëm synojmë njohjen e kualifikimeve akademike dhe profesionale në rajon. Po ashtu i kemi udhëtimet si dhe lirinë e lëvizjes, e cila duhet t’u bëhet më e lehtë qytetarëve. Secili nga këta janë hapa të qëndrueshëm drejt integrimit, nga çka ka përfitim tërë rajoni. Shoqëria civile ka luajtur një rol kyç në këtë proces dhe kohëve të fundit ka qenë mjaft aktive. Vitin e kaluar ka qenë historike marrëveshja e planveprimit për krijimin e një tregu të përbashkët rajonal. Tregu ekonomik është një hap shumë i rëndësishëm drejt perspektivës evropiane të vendeve të Ballkanit Perëndimor. Kjo perspektivë do t’i trajtonte gjërat më seriozisht dhe secili vend do t’i plotësonte kërkesat për procesin e negocimit. Kjo është arsyeja se pse jemi të përkushtuar që gjatë presidencës tonë në Këshill të fillojmë negociatat me Shqipërinë dhe Maqedoninë, nëse ka të dhëna nga rajoni se integrimi, sundimi i ligjit dhe reformat po merren seriozisht. Kështu ne do të lëvizim drejt qëllimeve të përbashkëta dhe procesi i Berlinit do ta përmbushë misionin e tij për përafrim të Ballkanit Perëndimor me Bashkimin Evropian”, ka thënë Maas.
Tutje, ai deklaroi se nuk beson se konferencat e para ndërqeveritare për anëtarësimin e Shqipërisë dhe Maqedonisë së Veriut në BE do të hapen gjatë presidencës portugeze të BE-së.
Sipas tij, nëse vendet e Ballkanit Perëndimor i plotësojnë kushtet e kërkuara, atëherë nuk ka pse të ngurrohet me fillimin e negociatave.
“Jemi në dialog të ngushtë me Slloveninë dhe Portugalinë, në kuadër të presidencës treshe të Këshillit të BE-së, por edhe me Komisionin e BE-së, në mënyrë që të krijojmë premisat që me çdo kusht të hapen konferencat e para ndërqeveritare për Shqipërinë dhe Maqedoninë e Veriut. Unë jam optimist se këtë do ta realizojmë, edhe pse është e vështirë dhe po zgjat më shumë se ç’duam”, tha shefi i diplomacisë gjermane Heiko Maas.
Në takimin e sotëm virtual mes ministrave ka marrë pjesë edhe ministrja e jashtme e Kosovës, Donika Gërvalla – Schwarz. Po ashtu, në takim morën pjesë edhe komisionari i BE-së për Zgjerim, Oliver Varhelyi dhe sekretari i përgjithshëm i Shërbimit të Veprimit të Jashtëm Evropian, Stefano Sannino.
Konferenca e sotme i parapriu samitit të ardhshëm me kryeministrat e Ballkanit, i cili pritet të zhvillohet gjatë muajit korrik, nën drejtimin e kancelares gjermane, Angela Merkel.
Kujtojmë se me qëllim të përmirësimit të bashkëpunimit rajonal ndërmjet vendeve të Ballkanit Perëndimor, Merkel krijojë Procesin e Berlinit si nismë më 2014. Ndër të tjerash, nisma synon edhe mbështetjen e procesit të anëtarësimit në BE të vendeve të Ballkanit Perëndimor, përfshirë Kosovën. /KP/Telegrafi/
Promo
Reklamo këtuLufta Prigozhin - Putin
Më shumëNga Rubrika
Inaugurohet fidanishtja moderne “Agro Kabashi” në fshatin Qifllak në Komunën e Rahovecit
Ndryshimi në skemën sociale, ministri Murati fton familjet në nevojë për aplikim
Rrëshqitja e dheut në rrugën Klinë-Gjakovë, Durmishi: Jemi duke u munduar që sa më shpejtë të hapet rruga për qarkullim
Rrëshqitja e dheut në rrugën Klinë-Gjakovë, Durmishi: Jemi duke u munduar që sa më shpejtë të hapet rruga për qarkullim
Besim Ramadani, personazh inspirues dhe shembull që duhet ndjekur
Shkenca e të Dhënave - Kombinim i Statistikës, Programimit dhe Biznesit
Investimet nga diaspora, Lazim Destani: Duhet të punojmë bashkë që të arrijmë suksese
Telegrafi Jobs - Shoku yt për punë
Rrjeti Global i Bizneseve të Diasporës, 10 vite suksese dhe bashkëpunime
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore