​“Kosova është gati”, MPJ kërkon veprime nga SHBA dhe BE kundër Rusisë

Ministria e Punëve të Jashtme e Kosovës ka kërkuar sot nga NATO, SHBA dhe BE që të ndërmarrin veprime pas arrestimit të gazetarit Roman Protasevich nga autoritetet bjelloruse.

Në një postim në Twitter thuhet kreu i shtetit rus Vladimir Putini po bëhet çdoherë e më shumë agresiv ndaj vendeve perëndimore.

“Putini po bëhet më agresiv, duke shfrytëzuar dobësimin e Perëndimit. Pa aprovimin e Putinit, nuk do të kishte sulme të Bjellorusisë ndaj aeroplanit. (Pa Putinin), s’do të kishte kërcënime nga Vuçiq e as 30 tanke të reja për Serbinë. NATO, SHBA dhe BE duhet të ndërmarrin veprime që të mbrojnë miqtë e tyre. Kosova është gati”, thuhet në postimin e MPJ-së.

Ndryshe, gazetari bjellorus Roman Protasevich u arrestua dje nga autoritetet e Bjellorusisë, pasi një aeroplan që po vinte nga Athina, e cila po barte në mesin e pasagjerëve edhe Protasevich, u detyrua nga autoritetet bjelloruse që të aterronte në territorin e tyre, në mënyrë që më pas ai të arrestohej.

Vetëm 26 vjeç, Protasevich është një nga gjeneratat e reja të aktivistëve politikë bjellorusë, i cili u “katapultua” në sy për shkak të rritjes së opozitës publike ndaj sundimit të gjatë dhe shtypës të presidentit Alexander Lukashenko.

Protasevich, i cili lindi pasi Lukashenko mori detyrën në vitin 1994, ishte i përfshirë në demonstrata kundër regjimit si adoleshent dhe më vonë u përjashtua nga programi i gazetarisë në Universitetin Shtetëror bjellorus. Ai ishte gjithnjë në vijat e para të protestave, sipas kolegëve aktivistë.

Putin gets more aggressive, counts on weak West. Without Putin’s approval no Belarus attack on airliner, no new threats by SRB Vučić, with 30 more tanks, 30 mil. carrier from Russia. NATO, U.S., EU must take action to protect & defend allies. ?? Kosova stands ready. ????

— MFA Kosovo ?? (@MFAKOSOVO) May 24, 2021