Punonjësja e Kryqit të Kuq që u filmua duke përqafuar dhe qetësuar emigrantin e lodhur afrikan, thotë se është “vërshuar” nga komentet fyese

Punonjësja e Kryqit të Kuq e cila u filmua duke përqafuar dhe munduar ta qetësojë emigrantin e lodhur senegalez me të shkelur në tokën e Spanjës pas udhëtimit të gjatë nga Afrika, ka bërë të ditur se është duke u ofenduar dhe kërcënuar në internet nga persona të ndryshëm.

Luna Reyes, 20-vjeçe, me pamjet e saj u bërë virale kur gazetari i Reuters e filmoi duke përqafuar burrin që kishte arritur në Spanjë, transmeton Telegrafi.

Ai ishte një prej 8.000 emigrantëve që janë futur në territorin e Spanjës. Ata marrin rrugën drejt Evropës duke shpresuar për një jetë më të mirë.

Reyes që punon si vullnetare për Kryqin e Kuq që nga marsi si pjesë e studimeve të saj, ka thënë për mediat lokale se i ishte afruar burrit për t’i ofruar një shishe me ujë, por ai kishte shpërthyer në lot duke u hedhur në përqafimin e saj.

“Ai po qante, më përqafoi sepse ishte shumë i lodhur dhe mërzitur”, ka thënë ajo për The Guardian.

https://twitter.com/elmundoes/status/1394710395223433220?ref_src=twsrc%5Etfw%7Ctwcamp%5Etweetembed%7Ctwterm%5E1394710395223433220%7Ctwgr%5E%7Ctwcon%5Es1_&ref_url=https%3A%2F%2Fwww.insider.com%2Fwatch-white-red-cross-worker-who-cradled-african-migrant-abused-online-2021-5

Prej asaj kohe, videoja ka fituar vëmendje në Spanjë, duke shkaktuar pakënaqësi tek një grup i caktuar që nuk ishin pro veprimit të saj.

Kështu Reyes u detyrua që llogaritë e saj në rrjete sociale t’i bëjë private, pasi u bë cak i seksizmit dhe racizmit nga persona të ndryshëm, madje edhe nga një grup i përkrahësve të djathtë spanjoll ndryshe e njohur si partia Vox.

Por figura politike, aktorë e këngëtarë i kanë dalë menjëherë në ndihmë, duke dënuar gjuhën raciste të shumë personave që e ofendonin, në veçanti kur e kuptuan se Reyes është në lidhje me një të ri me ngjyrë. /Telegrafi/