1.500 ushtarë nga Maqedonia, SHBA, Bullgaria dhe Greqia në stërvitjen ushtarake “Goditje Vendimtare 21” në Krivollak

Operacione mbrojtëse në rast agresioni, rigrupimi dhe kalimi në kundër-ofensivë. Ndërveprimi i forcave tokësore dhe ajrore me njësitë speciale. Ky është skenari i stërvitjes “Goditje vendimtare 21” i cili do të kryhet në poligonin ushtarak Krivollak, ndërsa do të fillon të hënën.

“Goditja vendimtare” është stërvitja më e madhe ushtarake që do të mbahet këtë vit, duke përfshirë 1.500 trupa, prej të cilëve 1.100 janë anëtarë të Ushtrisë së Maqedonisë së Veriut, 300 anëtarë të Gardës Kombëtare të SH.B.A. dhe njëzet anëtarë secila nga njësitë speciale të Greqisë dhe Bullgarisë.

Batalioni i dytë i këmbësorisë së URMV-së do të marrë pjesë për herë të parë në stërvitjen e NATO-s.

“Goditja Vendimtar 21” po kryhet si pjesë e stërvitjes më të madhe dhe më masive ushtarake të kryer ndonjëherë nga Aleanca e NATO-s “Europe Defender 21”, në të cilën marrin pjesë 28.000 trupa nga 27 vende anëtare të Aleancës. Operacionet e stërvitjes do të kryhen në 30 fusha të ndryshme trajnimi në 12 vende në Ballkan, Evropën Jugore dhe Detin e Zi.

Përveç 300 anëtarëve të Gardës Kombëtare të Floridës në kampin “Strela” në Krivollak do të jenë edhe anëtarët e Brigadës së 4-të ndihmës të vendosur në Gjermani dhe një ekip prej 12 ndihmësish do të mbetet pas përfundimit të stërvitjes në fillim të muajit të ardhshëm .

Ndërsa poligoni ushtarak Krivollak ka pësuar një ndryshim drastik në dukje me një numër ndryshimesh dhe përmirësimesh në dy vitet e fundit dhe veçanërisht në muajt e fundit. Një qendër rajonale e trajnimit për forcat e NATO-s duhet të modernizohet dhe pajiset./Telegrafi/