Edhe pas më shumë se një viti të përballjes së botës me pandeminë e coronavirusit, intensiteti dhe shkalla e krizës aktuale në Indi është bërë më e dallueshme.
Pacientët atje nuk kanë qasje në oksigjen, spitalet janë të mbingarkuara derisa nëpër rrjetet sociale shihen radhë të gjata të njerëzve për të dërguar viktimat nëpër krematoriume.
Teksa numri ditor i të infektuarve rritet përtej shifrave që kanë raportuar vendet tjera deri më tani, ekspertët thonë se shifrat zyrtare të të diagnostikuarve me COVID-19, sëmundjen që shkakton coronavirusi, në vendin e dytë me popullsinë më të madhe në botë, duket se nuk janë të sakta.
Por pse të dhënat në Indi konsiderohen të jenë kështu?
Cilat shifra tregojnë realitetin mbi krizën?
A po numëron India secilin rast?
India nuk është duke numëruar secilin rast të infektimit me coronavirus, pasi asnjë shtet nuk mund ta bëjë një gjë të tillë. Në gjithë botën, zyrtarët prezantojnë vetëm rastet e konfirmuara.
Numri i të gjitha rasteve nuk dihet edhe për faktin se testimi është rastësor dhe disa persona kanë pak ose aspak simptoma pas infektimit me këtë virus.
Sa më i kufizuar testimi, aq më pak raste dihen. Organizata Botërore e Shëndetësisë ka thënë se shtetet duhet të bëjnë 10 deri në 30 teste për çdo rast të konfirmuar.
India është duke bërë pesë teste për çdo rast të konfirmuar, bazuar në faqen online Our World in Data.
Shtetet e Bashkuara janë duke bërë 17 teste për një rast të konfirmuar, derisa Finlanda 57.
“Ka ende shumë persona që nuk janë duke u testuar”, ka thënë mjeku Prabhat Jha nga Universiteti i Torontos.
“Shtëpi të tëra janë të infektuara. Nëse një person testohet nga një shtëpi dhe del pozitiv, secili person që jeton brenda asaj shtëpie nis të ketë simptoma, është e qartë se ata janë të infektuar, andaj pse të testohen?”
Bazuar në modelin e valës paraprake të pandemisë në Indi, Jha beson se shkalla e vërtetë e infektimit mund të jetë 10 herë më e madhe sesa raportimet zyrtare.
Çka për vdekjet?
Vdekjet janë tregues më i mirë i lakores së pandemisë, ka thënë Jha, mirëpo edhe aty ka probleme me të dhëna.
“Hapësira më e madhe lidhet me zonat rurale të Indisë”, ka thënë Jha.
Nëpër rajone më periferike, njerëzit zakonisht vdesin nëpër shtëpi pa vëmendje mjekësore dhe një pjesë e këtyre vdekjeve nuk raportohen.
Familjet i varrosin apo djegin trupat e më të dashurve të tyre pa i regjistruar viktimat.
Konsiderohet se 70 për qind e vdekjeve, pavarësisht shkakut, raportohen nëpër zonat rurale të Indisë, për çdo vit.
Puna e mjekut Jha me projektin Million Death Study ka vërtetuar se vdekjet në zonat rurale mund të numërohen.
Projekti i nisur para pandemisë, është realizuar përmes sondazheve të kryera në rajone periferike të Indisë, për të kuptuar simptomat dhe shkaqet e vdekjeve.
Shumë shtete me të ardhura të ulëta apo të mesme kanë probleme me regjistrim të saktë, ka thënë Jha, duke besuar se India ka kapacitet për më shumë.
“Është shtet që ka program hapësinor. Numërimi i të vdekurve është punë bazike”, ka thënë ai.
“India mund të jetë shumë, shumë më e mirë në këtë aspekt”.
Sa kanë rëndësi shifrat?
Njohuritë mbi numrin dhe shkallën e shpërthimit të pandemisë, mund t’iu ndihmojnë qeverive dhe zyrtarëve shëndetësorë që të planifikojnë përgjigjet e tyre.
Edhe me problemet, tashmë të ditura me të dhëna, trajektorja e rasteve dhe vdekjeve me COVID-19 në Indi, përbën rikujtim alarmues sesi virusi mund të përhapet në një popullsi të pavaksinuar, dhe kur masat kufizuese injorohen.
“Ajo çfarë po ndodh në Indi është e rëndësishme për gjithë botën”, ka thënë Amita Gupta, udhëheqëse e Institutit për Indinë në Universitetin Johns Hopkins, në një bashkëbisedim në Facebook.
“Për ne situata atje ka rëndësi, si nga perspektiva humanitare, e shëndetit publik si dhe sigurisë shëndetësore”, ka thënë mes tjerash ajo. /rel/
Promo
Reklamo këtuLufta Prigozhin - Putin
Më shumëEdhe një iu shtua sot - sa shtete e njohin pavarësinë e Palestinës
Dhjetë aeroportet më të pastra në botë - vetëm një është në Evropë
Zelensky tregon se me çfarë faze të re të pushtimit rus po ballafaqohet Ukraina
Gjermania do t’i furnizojë ukrainasit me super radarë – këto janë karakteristikat e TRML-4D
Trupat ruse hyjnë në bazën ajrore në Nigeri, ku janë të stacionuar ushtarët amerikanë
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City