Kongresi Panshqiptar Amerikan takon Selën: Shtyrja e regjistrimit të popullsisë në RMV është shqetësuese

Kongresi Panshqiptar Amerikan (KPA) organizoi një takim në ZOOM me kryetarin e Aleancës për Shqiptarët, Ziadin Sela.

Në takim morën pjesë gjithashtu përfaqësues nga Qendra Kulturore Shqiptaro Amerikane Riverdale, NJ, Qendra Kulturore dhe Islamike Shqiptaro Amerikane “Hasan Prishtina” Waterbury, CT, Shoqata Shqiptaro Amerikane Prespa, IL, Shoqata Shqiptaro Amerikane Valet e Liqenit, IL dhe WI, si dhe Qendra Kulturore Shqiptaro Amerikane e Teksasit.

Siç thuhet në njoftimin e KPA, palët diskutuan shqetësimet e tyre të përbashkëta në lidhje me shtyrjen e regjistrimit në Maqedoninë e Veriut dhe rezistencën e vazhdueshme të qeverisë për integrimin e plotë të shqiptarëve. Pjesëmarrësit gjithashtu u dakorduan që të punojnë për të inkurajuar diasporën e Maqedonisë së Veriut që të vazhdojë të regjistrohet pavarësisht pezullimit të tij.

“Sela dhe pjesëmarrësit e tjerë diskutuan gjithashtu se si PAAC dhe komuniteti shqiptaro-amerikan mund të ndihmojnë për të informuar më mirë Uashingtonin për diskriminimin e thellë institucional të shqiptarëve dhe për sfidat e tjera me të cilat përballet Maqedonia e Veriut në rrugën e saj drejt integrimit evropian”, thuhet në njoftimin e KPA./Telegrafi/