Dua Lipa tregon se fondacioni i Elton John për të ndihmuar të prekurit nga SIDA grumbulloi tre milionë dollarë në ndejën para “Oscars”

Këngëtarja shqiptare me famë ndërkombëtare, Dua Lipa, edhe këtë vit ka qenë e pranishme në “Oscars 2021”.

Ylli nga Kosova ka mahnitur mbrëmë (e diel) në ndejën e përvitshme që i paraprinë ceremonisë “Oscars”. Si zakonisht, evenimenti ishte e organizuar nga Elton John dhe paratë e mbledhura do të shkojnë në ndihmë të personave të prekur nga SIDA.

Krijuesja e hitit “Levitating” nëpërmjet një postimi të fundit të publikuar në rrjete sociale ka zbuluar se janë grumbulluar rreth tre milionë dollarë.

View this post on Instagram

A post shared by DUA LIPA (@dualipa)

Ajo po ashtu ka falënderuar Elton John dhe David Furnish për bashkëpunimin, gjersa ka ndarë disa pamje të mahnitshme nga paraqitja e dytë e veshur me një fustan të zi të gjatë.

Lexo po ashtu Dua Lipa jep performancë të mrekullueshme me Elton John në “Oscars 2021”

“Natën e kaluar fondacioni i Elton John ka grumbulluar tre milionë dollarë për të luftuar HIV/AIDS. Faleminderit të gjithëve për akordimin. Faleminderit Elton John dhe David Furnish që më kishit mua. Fotografitë nga Getty Images, David Benett”, ka shkruar 25 vjeçarja.

Lipa ka performuar hitet e saj “Levitating”, “Pretty Please”, “Hallucinate” dhe “Don’t Start Now” dhe gjithashtu “Bennie and the Jets”, “Love Again” në bashkëpunim em Elton John.

“Ishte shumë argëtuese të performoja me Dua Lipën dhe ta hapja ndejën për përkrahësit tonë në të gjithë botën”, tha John në një deklaratë. “Unë jam shumë mirënjohës për të gjithë ata që morën pjesë në mënyrë që të mund të vazhdonim këtë ngjarje legjendare për të mbledhur fonde për t’i dhënë fund epidemisë së AIDS-it”. /Telegrafi/

View this post on Instagram

A post shared by DUA LIPA (@dualipa)