Pas mbylljes së qendrave të vendvotimit, ambasadori i BE-së në Shqipëri, Luigi Soreca tha se përveç problemeve teknike me aparatet për identifikimin biometrik të votuesve, procesi zgjedhor në përgjithësi ka kaluar pa probleme të theksuara.
Ekipet e BE-së në Shqipëri po vazhdojnë të vëzhgojnë procesin e mbylljes së qendrave të votimit dhe do të vazhdojnë vëzhgimin e numërimit. Të gjitha ekipet e BE-së në Shqipëri informacionet e mbledhura do t’ia dorëzojnë OSBE-së dhe ODIR-it të cilët nesër rreth drekës pritet që të dalin me një vlerësim paraprak të zgjedhjeve në Shqipëri
Ambasadori i BE-së në Shqipëri Luigi Soreca, tha se procesi i votimit ka kaluar pa probleme, përveç disa telasheve me aparatet për identifikimin biometrik. Ai shtoi se ekipet e BE-së në Shqipëri do të vazhdojnë vëzhgimin edhe në procesin e numërimit të fletëvotimeve.
“Përveç disa problemeve që janë hasur me aparatet që kanë qenë për identifikimin biometrik, ajo që kemi parë ne është se administrata zgjedhore ka funksionuar mirë dhe pa probleme. Dhe ekipet ose skuadrat tona, skuadrat e BE-së që po vëzhgojnë zgjedhjet në pjesën dërmuese të Shqipërisë do të bëjnë pikërisht atë gjë që po bëj edhe unë këtu që të vëzhgojmë edhe procesin e mbylljes së qendrave të votimit dhe të gjithë procesin edhe më pas … Pra ajo që do të bëjmë ne është që do të lejojmë komisionet e qendrave të votimit që të kryejnë të gjitha procedurat e tyre për mbylljen e proceseve të votimit dhe çdo gjë tjetër, por ne do të vazhdojmë punën tonë do të vijojmë më pas sonte me vëzhgimin e numërimit, do ta ndjekim atë deri në mëngjes, deri nesër ku ne shpresojmë që të ketë rezultat”, tha ai.
Ambasadori i BE-së u bëri thirrje subjekteve politike që të ndjekin procesin e numërimit me qetësi dhe durim, dhe te kenë respekt për rezultatin që do të shpallë Komisioni Qendror i Zgjedhjeve.
“Ajo që do të bëjmë ne është në saje të vëzhgimeve që ne do të kemi bërë dhe të gjetjeve të OSBE-ODIR ne do të punojmë në bazë të këtyre gjetjeve më pas për Shqipërinë. Më lejoni të them që personalisht për mua, ajo që kam parë ka qenë një pjesëmarrje vërtet e madhe një pjesëmarrje e lartë dhe më është dukur që qytetarët dhe zgjedhësit shqiptarë e kanë kuptuar që kjo ka qenë një ditë vërtet e rëndësishme për Shqipërinë dhe të ardhmen e saj… Prandaj tashmë është koha që në të vazhdojmë me të gjitha punët që duhet bërë që të vijojë procesi të vazhdojmë ta ndjekim atë me qetësi me durim, por po ashtu është e rëndësishme që të ketë respekt për rezultatin që do të shpallë KQZ, pikërisht të vazhdojmë me këtë pozitivitet të cilin ne kemi parë deri tani”, tha ai
Ndryshe, sot janë mbajtur zgjedhjet parlamentare në Shqipëri, për të zgjedhur 140 deputetët e ri të Kuvendit, ku sipas të dhënave nga Komisioni Qendror i Zgjedhjeve, kanë votuar 45.48 për qind nga 3.588.869 qytetarë shqiptarë me të drejtën e votës, ndërsa 107 mijë e 24 zgjedhës votojnë për herë të parë.
Në garën zgjedhore janë 1841 kandidatë për deputetë, teksa 732 kandidate ndër to janë femra ose 39.76 %.
KQZ ka njoftuar se 5199 Qendrat e Votimit monitorohen me kamera, gjë që është një garanci e shtuar në parandalimin e pa ligjshmërive, si fotografimi i votës, votimi familjar, votimi më shumë se një herë etj. Në fletën e votimit janë regjistruar 12 parti politike si dhe në disa qarqe ka kandidatë të pavarur.
Në këto zgjedhje qytetarët kanë mundur të votojnë si për partinë politike, ashtu edhe për kandidatët e partive.
KQZ ka bërë të ditur se brenda 48 orëve do të kemi rezultatin e fituesve të këtyre zgjedhjeve për subjektet politike dhe koalicionet, raporton KP.
Promo
Reklamo këtuLufta Prigozhin - Putin
Më shumëNga Rubrika
Analistët: Pahor e njeh rajonin, por si emisar i BE-së s’mund ta “transformojë” dialogun
Ish-ambasadori i Shqipërisë në Kosovë: Asociacioni, kusht që nuk lidhet me Këshillin e Evropës
Gjatë luftës në Kosovë, nana e ktheu fëmijën që po qante drejt kamerës e i tha: Bija e nanës tregoji botës se çka po na bëjnë!
Gjatë luftës në Kosovë, nana e ktheu fëmijën që po qante drejt kamerës e i tha: Bija e nanës tregoji botës se çka po na bëjnë!
Alarmoi drejtori i Antikorrupsionit, deputeti Basha kërkon të hetohet rasti i politikanit që fshehu 5 milionë euro në bankën e Zvicrës
Momenti kur Edi Rama i përkulet shqiptarëve në Greqi
Nesër takohen Kurti e Krasniqi, në tavolinë dy tema
“Mysafiri i paftuar në Galatsi”: Mes kritikash dhe akuzash, si u pasqyrua vizita e Ramës në Athinë nga mediat greke
Turistja norvegjeze humb jetën në Durrës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gabimi në Ligën e Kampionëve i kushton, UEFA pritet t’i jap një dënim të ashpër gjyqtarit Marciniak
Zvicra fiton "Eurovision 2024"
Holanda përjashtohet nga finalja e "Eurovision 2024"
Bombardimi i konsullatës në Ukrainë, Qeveria shqiptare interesohet për provat
E refuzuan Abdixhiku e Haradinaj, deklarohet Kurti: Mendova se është më së miri të takohemi të gjithë së bashku
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron