Nën kombinimin e ngjyrave kuq e zi, Dua Lipa duket me shumë stil rrugëve të Londrës

Ajo është një nga yjet më elegantë të industrisë së muzikës.

Dua Lipa shfaqi me lehtësi kredencialet e saj të modës të hënën, kur u largua nga zyrat e Radio 1 në Londër e veshur me një palë çizme lëkure me takë të lartë.

Ajo e kombinoi veshjen me një xhaketë të përmasave të mëdha, dhe mbrojti fytyrën e saj pas një maske dhe syze dielli të zeza, shkruan DailyMail.

Interpretuesja e hitit “New Rules” zbuloi se xhaketa e saj e modës ishte e kthyeshme, duke e modeluar lirshëm pjesën mbi shpatullën e saj të majtë për të treguar modelin e saj kuqezi.

Duke i lënë flokët e saj ngjyrë korbi të lirshme dhe duke veshur një palë rroba të shtypura nën pallton e saj, Dua ktheu kokën ndërsa po kalonte nëpër kryeqytet.

Këngëtarja për aksesorë zgjodhi unaza lulesh dhe një çantë elegante nën krahun e saj.

Muajin e kaluar, u zbulua ylli me prejardhje shqiptare se ishte nominuar për tri kategori në mbrëmjen e madhe të ndarjes së çmimeve Brits: “Artistja më e mirë femër”, “Albumi më i mirë” dhe “Kënga më e mirë solo”.

Dua gjithashtu do të ngjitet në skenë në ngjarjen muzikore të shumë pritur e cila do të transmetohet më 11 maj nga “The O2 Arena”, në Londër.

Ylli i popit ka pasur shumë për të festuar në muajt e fundit pasi albumi i saj “Future Nostalgia” fitoi çmimin e “Albumit më të mirë pop” në Grammy Awards.

Albumi “Future Nostalgia” i Duas u publikua në mars të vitit 2020.

Që nga dalja e tij, albumi është nominuar për gjashtë çmime Grammy, një prej të cilin edhe e fitoi.

Duke folur për publikimin e një albumi në mes të pandemisë, Dua pranoi: “Unë patjetër që isha e frikësuar, sepse gjithmonë ka atë pasiguri”.

“Unë e publikova kur izolimi po ndodhte në Mbretërinë e Bashkuar dhe kishte kaq shumë pasiguri dhe vuajtje, ishte një kohë shumë konfuze”.

“Gjëja që më bëri të dëshiroj ta shpreh në këtë kohë është që unë e bëra këtë album si një formë arratisjeje, për t’u larguar nga çdo presion ose fjalë nga njerëzit e tjerë”, tha ajo.

Këngëtarja e popit u raportua së fundmi se ka rritur vlerën neto të të hyrave të saj në 20 milionë funte brenda vitit. /Telegrafi/