Pronari lufton me tre hajdutë të cilët hynë në shtëpinë e tij në Angli, për të vjedhur kafshët e tij shtëpiake

Një pronar qeni ‘i tmerruar’ përfundoi duke luftuar me tre burra të cilët erdhën natën vonë para se të përpiqeshin të futeshin në shtëpinë e tij në një përpjekje për të vjedhur qentë e tij.

Sipas medieve të huaja, përcjell Telegrafi, Ryan Hesford, 33 vjeç, nga Doncaster, South Yorkshire – Angli, ishte në shtëpi vetëm me tre qentë e tij të mërkurën në mbrëmje kur u alarmua pasi dëgjoi dikë që i binte ziles së derës dhe godiste derën e tij, pak para orës 21:00.

Pamjet tronditëse kapën momentin kur burrat, dy prej të cilëve kishin veshur maska, sulmuan Ryan dhe u përpoqën të hynin brenda shtëpisë së tij ndërsa ai bërtiste dhe i luftonte ata.

Siç bëhet e ditur, kur ra zilja e derës, Ryan u përpoq t’u fliste atyre nga brenda shtëpisë përmes ziles së tij të derës, e cila kap videon dhe ju lejon të flisni përmes një mikrofoni të integruar me çdokënd te dera.

Por kur ai nuk mund të lidhej me zilen e derës përmes telefonit të tij, Ryan shkoi t’i përgjigjej thirrjes dhe pamjet tregojnë ata duke u përpjekur të futeshin me forcë brenda.

Gjatë përleshjes – në të cilën një nga burrat e maskuar mund të shihet duke tundur një shufër metalike – një burrë arrin të futet në shtëpinë e Ryan dhe shihet duke kërkuar përreth, duke u përpjekur të gjente qentë që lehnin.

Disa sekonda më vonë, një nga fqinjët e Ryanit i erdhi në ndihmë ndërsa ai mundi dy burrat e tjerë duke i larguar.

Ryan tha: “Ishte shumë stresuese. E gjitha ndodhi në pak sekonda, që nga koha kur hapa derën time”. /Telegrafi/