Fotografi me bikini dhe kujtime nga fëmijëria – Rita Ora mahnit me një seri imazhesh të publikuara së fundmi në Instagram

Ajo aktualisht është në Sydney, e zënë me projekte të reja pune.

Rita Ora shfaqi fizikun e saj të bujshëm në një paraqitje me bikini të lëkurës së gjarprit të shtunën ndërsa zbuloi ‘disponimet’ e saj të ndryshme në një seri fotografish të publikuara në Instagram.

Këngëtarja 30 vjeçare, u sigurua të përfshinte një fotografi të adhurueshme nga fëmijëria e saj, ku shquhej si një kaçurrele ngjyrë çokollate, shkruan DailyMail.

Në një foto tjetër, ajo zbuloi profilin e saj anësor ndërsa po merrte një pamje dramatike të makijazhit.

Lexo po ashtu Rita Ora duket tërheqëse me xhaketë të bronztë, ndërsa avullon zërin para performancës sësaj 'live'

Rita duket se ishte në skenë për fotografinë e improvizuar, ndërsa ishte ulur në një makinë retro ngjyrë rozë para se të hidhej për të zbuluar veshjen e saj të plotë.

Ajo vuri në pah figurën e saj të mprehtë në pantallona PVC me një rrip të mbushur me thumba në bel.

Ylli i muzikës pop mbylli derën e makinës në fotografi përpara se të ndante me ndjekësit edhe një ‘selfie’.

Interpretuesja e hitit “Hot Right Now“ shfaqi sensin e saj eklektik të stilit ndërsa u shfaq pa sytjena në një xhaketë sportive me shirita, të cilën ajo e kombinoi me pantallona të ngjashme.

Ajo e kompletoi pamjen me një kapelë bejsbolli teksa kishte vënë disa bizhuteri ari, duke dekoruar kyçet, qafën dhe gishtat e saj.

Në fotografinë e fundit të këtyre serive në Instagram, Rita shfaqi bukurinë e saj natyrale ndërsa pozoi pa makijazh.

Muajin e kaluar, këngëtarja e hitit “Lonely Together” zbuloi se sa e lumtur ishte që u bashkua me panelin e jurisë në “The Voice Australia”, pjesë e të cilit janë edhe emrat tjerë të njohur si: Keith Urban, Jessica Mauboy dhe Guy Sebastian.

“Unë jam vërtet mirënjohëse që jam ftuar këtu për të qenë pjesë e ‘The Voice’ këtë vit”, tha ajo për The Daily Telegraph.

“Mezi pres të jem në gjendje të mentoroj talentin mahnitës këtu. Australia është shtëpia e disa muzikantëve dhe partnerëve të mi të preferuar që kam pasur ndonjëherë kënaqësinë të punoja”, shtoi ajo.

Rita Ora ka qenë më parë anëtare e jurisë në versionin britanik të “The Voice” në vitin 2015, ndërsa gjithashtu mori përsipër rolet e gjykimit në spektaklet “X Factor” dhe “The Masked Singer”. /Telegrafi/