Petkoviq pretendon se kishat serbe në Kosovë janë të ekspozuara ndaj sulmeve dhe përdhosjeve

Drejtori i të ashtuquajturës Zyra për Kosovë në Qeverinë e Serbisë, Petar Petkoviq ka thënë se kohëvetë fundit, një numër i madh e kishave serbe në Kosovë kanë qenë të ekspozuara ndaj sulmeve dhe përdhosjeve.

Një pretendim të tillë, sipas mediave serbe, përcjell Telegrafi, Petkoviq e ka bërë gjatë një bisede që ka pasur me Patrijarkun Porfirio.

“Sulmet ndaj faltoreve tona kanë për qëllim dëbimin e popullit serb nga vatrat shekullore, fshirjen e të kaluarës dhe shpirtërore, në mënyrë që të shkatërrojnë çdo gjurmë të vazhdimësisë historike të popullit dhe shtetit serb në Kosovë”, citohet të ketë thënë Petkoviq.

Po sipas mediave serbe, Petkoviq informoi patriarkun për situatën aktuale të sigurisë dhe pozicionin e popullit serb në Kosovë, dhe të dy, siç u njoftua nga e ashtuquajtura Zyra për Kosovë, ranë dakord se ishte e paçmuar që Kisha dhe Shteti “të punonin” së bashku për përmirësimin e jetës së njerëzve në Kosovë.

Siç thuhet më tej, vëmendje e veçantë në bisedë iu kushtua bashkëpunimit për mbrojtjen dhe rinovimin e manastireve dhe kishave ortodokse. /Telegrafi/