Gafa e televizionit kroat në programin e Pashkëve – reagime ndaj asaj që kishin shkruar në fund të ekranit

Radiotelevizioni kroat ka transmetuar Meshën drejtpërdrejtë nga Vatikani edhe këtë Pashkë, si dhe fjalimin tradicional të Papës drejtuar besimtarëve të Urbi et Orbi.

Por në këtë të fundit, siç shkruajnë mediat kroate, përcjell Telegrafi, ata bënë një gabim – në vend të “Urbi et Orbi”, në ekran shkruhej “Ubi et Orbi”.

Urbi et Orbi (‘për në qytetin [e Romës] dhe për botën’) tregon një adresim papal dhe bekim apostolik të dhënë nga papa në disa raste solemne.

Ndërsa nëse përkthehet ajo çfarë ishte shkruar nga televizioni kroat – sigurisht aksidentalisht – “Ubi-j [në kroatisht: vrasje] et Erbi” – gjë që ka marrë vëmendjen e të gjithëve, duke nxitur edhe reagime.

Ndryshe, në mesazhin e tij, Papa tradicionalisht adreson problemet e botës dhe bën thirrje për paqe.

Në këtë mesazh, Papa Françesku u bëri thirrje shteteve që të përshpejtojnë vaksinimin, veçanërisht në vendet e varfra, dhe i quajti konfliktet e armatosura dhe alokimet ushtarake – si skandalet gjatë pandemisë.

Për të dytin vit radhazi për shkak të pandemisë së coronavirusit, aktivitetet papale të Pashkëve janë kufizuar në tubime të vogla përpara altarit anësor të Bazilikës së Shën Pjetrit, në vend të atyre të mëparshme para dhjetëra mijëra njerëzve në sheshin me të njëjtin emër. /Telegrafi/