Ish-ambasadorja e Kosovës në Washington, Vlora Çitaku, i ka reaguar ambasadorit amerikan në Prishtinë, Philip Kosnett, lidhur me deklaratat ku tha se ‘ka shkuar koha e presidentëve që dalin nga zarfi.
Çitaku përmes një postimi të gjatë në Facebook, thotë se atëkohë zgjedhja e Atifete Jahjagës Presidente, nuk ishte produkt i asnjë zarfi.
“Mora shkas nga një deklaratë e mikut tim, Ambasadorit Philipp Kosnett, për të dhënë disa sqarime sa i përket zgjedhjes së Znj.Atifete Jahjaga si Presidente e Republikës së Kosovës. Pikë së pari, Presidenjta Atifete Jahjaga i ka shërbyer Kosovës me dinjitet dhe nder. Sa për qartësim, zgjedhja e Presidentes Jahjaga nuk ka qenë produkt i asnjë “zarfi”. “Zarfi” nuk ka ekzistuar fare. Askush nuk ka lobuar apo ushtruar asnjëlloj presioni tek udhëheqësit politik Kosovar për të zgjedhur Jahjagen”, tha Çitaku.
Tutje theksoi se pas qarkullimit të emrave të shumtë të kandidatëve të mundshëm për President të vendit, Jahjaga ishte i vetmi person për të cilin palët e përfshira mund të dakordoheshin pa asnjë trysni.
“Gjatë përvojës sime prej më shumë se dy dekadash në politikën Kosovare, e kam provuar në lëkurë dhe e njoh fare mirë prezencën e presionit ndërkombëtar (Gjykata Speciale, Marrëveshja për Asociacionin, Demarkacioni me Malin e Zi etj etj). Zgjedhja e Presidentes Jahjaga nuk ka qenë një nga këto raste”, shkroi ajo.
Më tej u shpreh se vetë Jahjaga nuk ka shkuar ta lus as Ambasadën Amerikane, as ndonjë nga partitë politike, që ta zgjedhin apo ta votojnë atë Presidente të Republikës së Kosovës.
“Përkundrazi, si dëshmitare e dorës së parë, mund të ju them me sinqeritet të plotë se kanë qenë partitë politike ato të cilat i kanë kërkuar me ngulm Jahjaga që ta pranoj këtë detyrë. Ndonëse vetëm 35 vjecare, Znj.Jahjaga atëbotë ishte Zëvëndës Drejtore e Policisë së Kosovës me gradën Gjeneral-Nënkolonel (grada më e lartë në mesin e grave në Evropën Jug-Lindore) dhe një karierë shembullore në shërbimin publik”, shtoi Çitaku.
Sipas saj, Jahjaga pranoi kërkesën e partive politike për të shpëtuar Kosovën nga ngërci sepse e kuptoi atë si thirrje të detyrës ndaj atdheut.
“Përfundimisht, Jahjaga është votuar në Kuvendin e Republikës së Kosovës me 80 vota për. Do të ishte mirë që Jahjaga t’i ipej mirënjohja e merituar për shërbimin e shkëlqyer si Presidentja e parë grua, jo vetëm në Kosovë, por në tërë Evropën Jug-Lindore”, shkruan Çitaku, njofton Telegrafi.
Promo
Reklamo këtuLufta Prigozhin - Putin
Më shumëNga Rubrika
Filloi dezinsektimi i zonave endemike në Malishevë kundër rriqrave
Banorët e Likovës fillojnë me paraqitjen e dëmeve bujqësore pas reshjeve të djeshme
Shtetasja e Kosovës mashtrohet nga një person nga Tetova, i premtoi marrjen e provimit për gjuhën gjermane
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251