Fotografitë e liqenit të çuditshëm janë bërë hit në internet, nuk është e vështirë të kuptohet pse

Liqeni i Dashurisë, një liqen artificial në formë zemre në shkretëtirë pranë Dubai është ndoshta një nga atraksionet më mbresëlënëse për çiftet romantike që vizitojnë Lindjen e Mesme.

Dubai nuk ka mungesë të atraksioneve me famë botërore, por ka shumë më shumë për të zbuluar në shkretëtirën përreth qytetit më të populluar në Emiratet e Bashkuara Arabe.

Një perlë e tillë e fshehur është Liqeni artificial i Dashurisë, teknikisht dy liqene të ndërthurura në formë zemre të vendosura pranë oazit të Al Qudra, transmeton Telegrafi.

Duke mbuluar një sipërfaqe prej 550,000 metra katrorë, ky atraksion mahnitës turistik është i dukshëm edhe nga hapësira.

View this post on Instagram

A post shared by ?Fazza? (@fazza_fanzs)

I vendosur në një distancë të konsiderueshme nga çdo zonë urbane, Liqeni i Dashurisë është një oaz i vërtetë, i rrethuar nga shkretëtira për aq sa syri mund të shohë.

Përveç vetë liqenit në formë zemre, zona ka shumë lloje të bimësisë, me më shumë se 16,000 pemë dhe mijëra lule shumëngjyrëshe.

View this post on Instagram

A post shared by Fazza (@faz3)

I zbuluar në nëntor 2018, Liqeni i Dashurisë filloi të tërheqë vëmendjen pasi Sheik Hamdan bin Mohammed bin Rashid Al Maktoum, trashëgimtari i fronit të Dubai, ndau një foto ajrore me mbishkrimin “Për të gjithë ju” në llogarinë e tij të famshme në Instagram.

View this post on Instagram

A post shared by Elite Concierge Dubai (@eliteconciergedxb)

Edhe pse liqeni është bërë një destinacion popullor për romantikët në Lindjen e Mesme, për të vlerësuar me të vërtetë bukurinë e tij, duhet ta shihni nga të paktën 50 metra mbi nivelin e detit, përndryshe, gjithçka që do të shihni është një liqen pak i rrumbullakosur.

View this post on Instagram

A post shared by Ваш турагент (@natali_travel_agent)

Fotografitë e liqenit u bënë përsëri virale pasi u postuan në portalin Oddity Central, dhe shumë shkruanin se liqeni i la ata pa fjalë. /Telegrafi/