Panovski: Qytetarët vetë kanë paguar për coronavirusin, për atë shteti ka shpenzuar vetëm 7 milionë euro

Mikrobiologu Nikola Panovski beson se shuma e vogël e paguar nga shteti për mbrojtje nga coronavirusi, në mënyrë të pakrahasueshme shumë më pak se vendet e tjera anëtare të BE-së dhe vendet kandidate në Ballkanin Perëndimor për ndihmë nga Fondi Evropian i Solidaritetit, është për shkak se qytetarët kanë paguar nga xhepat e tyre.

Maqedonisë brenda katër muajve të parë të pandemisë iu desh të shpenzonte minimumi 30 milion e 852 mijë euro sipas parashikimit të BE-së për të marrë 771 mijë e 300 euro nga Fondi i Solidaritetit të BE-së. Por të dhënat nga Sekretariati për Çështjet Evropiane të kryesuara nga Nikolla Dimitrov ishin tronditëse që shteti shpenzoi vetëm pak më shumë se 7 milion euro.

“Qytetarët do të kurseheshin nga pagesa, dhe unë jam i sigurt se kishte më shumë nevojë për këto 200,000 të testuarit. Testimi do të ishte i barabartë, ndërsa deri atëherë u testuan vetëm ata që kishin mjetet. Komunat më të pasura kishin më shumë pacientë dhe u krijua një imazh i rremë”, thotë Panovski për Sitel.

Panovski thotë se një shumë e lartë paguhet akoma nga xhepi privat për D-dimer, ndërsa në klinikat private trajtimi është deri në 20.000 euro, ndërsa trajtimi në shtëpi ndonjëherë kushton 500 euro./Telegrafi/