Rinumërohen gjysma e vendvotimeve për të cilat kishe marrë vendim KQZ-ja

Komisioni Qendror i Zgjedhjeve kishte marrë vendim që të rinumërohen gjithsej 552 vendvotime.

Deri në ora 16:00 të ditës së sotme, janë rinumëruar 268 vendvotime.

Kështu ka bërë të ditur për Telegrafin, zëdhënësi i KQZ-së, Valmir Elezi.

“Deri në orën 16 të ditës së sotme janë rinumëruar 268 kuti të votimit (vendvotime) nga 552 sa është numri i përgjithshëm që duhet të rinumërohen me vendim të KQZ-së”, tha Elezi.

Lexo po ashtu KQZ-ja vendosë për rinumërim edhe të 58 vendvotimeve

Ndryshe, për arsye të ndryshme e në përqindje më të madhe ishin rinumëruar edhe një numër i madh i vendvotimeve gjatë zgjedhjeve të kaluara.

Përmes një tabele, zëdhënësi i Komisionit Qendror të Zgjedhjeve, Valmir Elezi ka bërë të ditur se në zgjedhjet e vitit 2019 ishin rinumëruar 88.49 për qind e vendvotimeve.

Sipas kësaj tabele, me vendim të KQZ-së, në vitin 2019 ishin rinumëruar 847 vendvotime apo 33.25 për qind kurse me vendim të Panelit Zgjedhor për Ankesa dhe Parashtresa ishin rinumëruar 1 407 vendvotime dhe 55.247 për qind e vendvotimeve.

Lexo po ashtu Rinumërimi i votave: Në zgjedhjet e vitit 2019 u rinumëruan mbi 88 për qind e vendvotimeve

Të dhënat po ashtu janë dhënë për zgjedhjet e viti 2017, ku janë rinumëruar 22.69 për qind e vendvotimeve.

Në zgjedhjet e vitit 2014 janë rinumëruar 21.22 për qind e vendvotimeve. /Telegrafi/