E konfirmon Policia: Nga gjuajtja me armë në Prishtinë, plagosen dy persona

( E plotësuar) Dy persona kanë mbetur të plagosur nga një përleshje e armatosur që ka ndodhur sonte pas orës 22:00 në “Rrugën B” në kryeqytet.

Lajmin e ka konfirmuar për Telegrafin zëdhënësi i Policisë së Kosovës, Bajram Krasniqi, i cili ka thënë se në këtë rast ka ndërhyrë policia e cila është detyruar të përdorë armët.

Si pasojë e këtij konfrontimi janë plagosur dy persona, njëri prej tyre kalimtar i rastit, të cilët janë dërguar në Qendrën Emergjente për mjekim.

“Ju njoftojmë se rreth orës 22:07 në ‘Rrugën B’ në Prishtinë, ka pasur gjuajtje me armë. Sipas informatave të para persona të panjohur janë përfshirë në një rast ku janë përdorur armë. Patrulla policore ka ndërhyrë dhe në situatën e krijuar është detyruar të përdorë armët”, ka thënë Krasniqi.

“Si pasojë e shkëmbimit të zjarrit një person është i plagosur në këmbë të cilit i është ofruar tretman mjekësor dhe më pas është dërguar për në QKUK. Sipas informatave të para dyshohet edhe për një kalimtare të rastit të plagosur, po ashtu në këmbë dhe e cila për momentin gjendet në emergjencë”, ka thënë Krasniqi. /Telegrafi/

Një përleshje e armatosur ka ndodhur mes disa personave në Prishtinë, më saktësisht te “Rruga B”.

Gjatë përleshjes janë përdorur edhe armë zjarri, ku dyshohet se një person është plagosur.

Sipas dshmitarëve nga vendi i ngjarjes aportuar se të shtënat kanë zgjatur për disa minuta.

Në vendin e ngjarjes ka dalë policia e cila është duke hetuar rastin. /Telegrafi/