Japonia fillon vaksinimin kundër COVID-19 në ‘hapin e parë të madh’ për të ndaluar pandeminë

Japonia ka nisur procesin e saj të vaksinimit kundër COVID-19 të mërkurën, duke administruar vaksinën Pfizer-BionTech te punonjësit e spitalit të Tokios.

Sipas medieve të huaja, përcjell Telegrafi, punëtorët në Qendrën Mjekësore të Tokios ishin ndër të parët nga rreth 40,000 profesionistë mjekësorë të synuar për të marrë dërgesat fillestare të vaksinës.

Ata do të ndiqen nga 3.7 milionë personel mjekësor të tjerë, pastaj 36 milionë njerëz të moshës 65 vjeç e lart.

“Ky është hapi i parë i madh drejt përfundimit të coronavirusit (pandemisë)”, ka thënë zëvendësministri i Shëndetësisë, Hiroshi Yamamoto, para gazetarëve në spital pas administrimit të vaksinave të para.

Ndërkohë Kryeministri Yoshihide Suga ka thënë se shpërndarja e vaksinave do të jetë kritike për zhvillimin e një Olimpiadë të suksesshme, të vonuar nga viti i kaluar dhe që do të fillojë në fund të korrikut.

Siç bëhet e ditur, Qeveria po synon të sigurojë mjaft vaksina për të gjithë popullsinë e saj prej 126 milionësh deri në mes të vitit 2021.

Një shpërndarje e plotë mund të zgjasë një vit, tha të martën shefi i programit të vaksinimit Taro Kono. /Telegrafi/