Sipas shifrave të janarit të publikuara nga policia e Tetovës, bëhet e ditur se ka më pak aksidente në krahasim me janarin e vitit 2020.
Gjatë muajit janar të këtij viti, zyrtarët policorë të Sektorit për Punë të Brendshme Tetovë në rajonin e Tetovës kanë zbuluar dhe sanksionuar ligjërisht 1681 parregullsi, përkatësisht shkeljeve të trafikut. Sipas shifrave të policisë së Tetovës, akoma në komunikacion hasen vetura me regjistrim të skaduar. Në ndërkohë, dukuria e drejtimit të automjetit pa leje për vozitje në Tetovë vazhdon të jetë e zakonshme ndër vite. Policia raporton se vetëm gjatë janarit janë hasur 120 persona që kanë drejtuar automjete pa leje për vozitje. “Në aktivitete të rregullta të kontrollit, aktivitete të intensifikuara dhe aksionet kontrolluese, për shkak të shkeljeve të konstatuara, 49 automjete janë përjashtuar nga trafiku. Shumica e automjeteve të përjashtuara kishin të skaduar regjistrimin mbi 30 ditë, në 7 automjete janë konstatuar parregullsi teknike dhe në 1 automjet mbingarkesë. Muajin e kaluar, 204 shoferë kanë qenë të përjashtuar nga trafiku, nga të cilët 120 që kanë vozitur pa patentë shoferi, 36 kanë qenë nën ndikimin e alkoolit, 35 shoferë fillestarë, 2 me kategori të papërshtatshme dhe 11 me masë mbrojtëse ‘ndalesë’ të vlefshëm të vozitjes” njofton Fatmir Rexhepi, zëdhënës i Sektorit për Punë të Brendshme në Tetovë.
Përveç këtyre, sipas policisë, gjatë kësaj periudhe 54 patentë shofer dhe 40 leje trafiku janë revokuar përkohësisht, ndërsa “shërbimi i karrotrecit” në Tetovë ka ngritur gjithsej 147 automjete të parkuara në mënyrë të paligjshme. Në janar, gjithashtu 22 automjete janë konfiskuar përkohësisht për shkak të regjistrimit të skaduar për më shumë se 6 muaj. Sipas shifrave të janarit të publikuara nga policia e Tetovës, bëhet e ditur se ka më pak aksidente në krahasim me janarin e vitit 2020. “Sa i përket aksidenteve në trafik, numri i tyre muajin e kaluar ishte 65 dhe është për 7 më pak krahasuar me janarin e vitit të kaluar. Në këto aksidente, numri i viktimave dhe personave të lënduar rëndë ose lehtë është dukshëm më i ulët se periudhën e njëjtë të vitit të kaluar. Dyzet e tetë nga aksidentet ishin në zona banimi dhe 17 në autostradë, ndërsa arsyet më të zakonshme janë shpejtësia e pa përshtatur sipas kushteve të rrugës dhe veprimi i parregullt. Shumica e aksidenteve kanë ndodhur në rrugët e Tetovës dhe në autostradë” thotë zëdhënësi Rexhepi. Policia apelon për më shumë kujdes gjatë kësaj kohe sidomos gjatë orëve të natës ngase paraqiten ngrica në shumë rrugë të Tetovës dhe rrethinës.(koha.mk)
Promo
Reklamo këtuLufta Prigozhin - Putin
Më shumëNga Rubrika
Dita e fundit e fushatës, partitë mbajtën tubimet përmbyllëse
Kurti, ambasadorëve të QUINT-it: Serbia, vitin e kaluar ka refuzuar nënshkrimin e Marrëveshjes Themelore
Iu bë atentat në Bruksel më 28 prill, ndërron jetë Agustin Kaza – dyshohet se u vra për gjakmarrje
DASH për Telegrafin: Të gjitha raportimet janë të rreme - Escobar nuk është shkarkuar, emërohet në një pozitë tjetër sipas rrotacionit
“Para se të hidhej e pa Erdgysin me 18-vjeçaren": Zbardhet dëshmia e motrës së Almës
Policia dhe KFOR-i amerikan sulmohen në Leposaviq – iu bllokua rruga dhe u hodhën shishe xhami ndaj tyre
Atentati ndaj vëllait të Aleksandar Jabllanoviqit, flet zëvendësdrejtori i PK-së në Mitrovicën e Veriut
Pse do të reduktohet numri i dëshmitarëve në Gjykatën Speciale, sipas avokatit Musa
DW: Sinjale alarmi nga Ballkani - po përsëritet historia?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'