Kompjuter “Gaming” në veturë – modeli i ri i Teslas mbështetë lojën Cyberpunk 2077

Një surprizë e re nga Tesla sjell një model të rinovuar me risi të shumta.

Model S ka dalë në treg për vite me radhë, dhe ka qenë forca e shitjeve të kompanisë së Musk për vite me rradhë. Tani po i nënshtrohet një ridizenjimi të rëndësishëm me fillimin e prodhimit në disa javë, transmeton Telegrafi.

Është mjaft e qartë se i gjithë interesi shkon në drejtim të kabinës. Tableti i orientuar vertikalisht është një gjë e së kaluarës dhe është zëvendësuar nga një ekran 17 inç shumë i ngjashëm me atë në modelin më të vogël Model 3 dhe Model Y.

Rezolucioni është 2200 x 1300 px, ka përmirësuar kontrastin dhe ngjyrën.

Përkundër ekranit të stërmadh, në këtë veturë ekrani nuk është gjëja e parë që do të vini re.

Sipërfaqet jashtëzakonisht të thjeshta dhe të pastra janë pjesërisht prej druri, të cilat padyshim që amerikanët i duan shumë.

Është  po aq tërheqëse në sediljen e pasme. Pasagjerët e pasëm gjithashtu morën ekranin e tyre, si dhe sediljet e dizajnuara ergonomikisht.

Nga jashtë, Modeli S ka ndryshuar më pak.  Shumica e ndryshimeve janë të dukshme në pjesën e përparme, ndërsa anash vërejmë vetëm rima të reja.

Modeli i ri S në Amerikë fillon me 79,990 dollarë, ndërsa Plaid + do të jetë në dispozicion me një çmim prej 139,900 dollarë.

Dhe ky nuk është fundi, sepse Tesla njoftoi një ridizajnim të ardhshëm për Model X. Prisni lajme të ngjashme, nëse jo të njëjtat lajme. /Telegrafi/